वीरगंज । पर्सामा संचालित महावीर एग्रो प्रोडक्टले उत्पादन गरेको राजहम्स ब्राण्डको चामलको बोरामा विज्ञापन गरे अनुसार तौल नपुगेको पुष्टी भएको छ । भ्रमपूर्ण विज्ञापन गरी उपभोक्ता ठगी गरेको भन्दै स्थानीय प्रशासनले दुई लाख रुपैयाँ नगद जरिवाना गरेपछि तथ्य सतहमा आएको हो ।

२ लाख रूपैयाँ जरिवाना

बजारमा पठाइएका सबै चामल फिर्ता ल्याउन पनि स्थानीय प्रशासनले कडा निर्देशन दिएको छ ।

महावीर एग्रोले आफ्नो ‘राजहंस’ ब्रान्डको २० केजी चामलको बोरामा आधा केजी दाल सित्तैमा दिने विज्ञापन गरेको थियो। तर, बोरामा दालसहितको कुल तौल नै २० केजी मात्र बनाएर उपभोक्तालाई उद्योगले ठगी गर्दै गरेको अनुगमनका क्रममा फेला परेको हो ।

उपभोक्ता ठगी गरिरहेको उपभोक्ता हित संरक्षण मंच नेपालले गएको भदौ ८ गते उजुरी पनि दिएको थियो । त्यसका आधारमा गत असोज १२ गते पर्साका सहायक प्रमुख जिल्ला अधिकारी कृष्ण थापाको नेतृत्वमा अनुगमन टोलीले एग्रोको उद्योगमा छापा मारी गरेको थियो ।

छापा मार्ने क्रममा उद्योगको बोर्ड समेत नराखेको भेटिएपछि तत्काल 50 हजार जरिवाना पनि गरेको थियो । साथै थप अनुसन्धानमा जुटेको टोलीले बुधबार २ लाख नगद दण्ड जरिवाना गरी बजार पठाइएको कम तौलको चामलको बोरा फिर्ता ल्याउन समेत निर्देशन दिएको जिल्ला प्रशासन कार्यालयका सहायक प्रमुख जिल्ला अधिकारी थापाले बताए ।

प्रशासनले बजारमा पठाइएका सबै चामल तत्काल फिर्ता ल्याई नयाँ र सही प्याकिङ गरेर मात्र पुनः बिक्री-वितरण गर्न महावीर एग्रोलाई स्पष्ट निर्देशन दिएको पनि उनको भनाइ छ ।

सम्बन्धित समाचार

उत्तरतर्फका सबै नाका ठप्पः चाडपर्वको मुखमा आपूर्ति चक्रमा धक्का सरकारले निजी क्षेत्रलाई विद्युत प्रसारण लाइन प्रयोग गर्न खुला गर्‍यो, ईआरसीद्वारा ‘ह्वीलिङ चार्ज’ सार्वजनिक अर्थमन्त्री डा. स्वर्णिम वाग्ले अमेरिका प्रस्थान अर्थमन्त्री डा. वाग्ले र विश्व बैंक समूहका अध्यक्ष अजय बाङ्गाबीच अमेरिकामा उच्चस्तरीय द्विपक्षीय भेटवार्ता सेनाले दैनिक १० हजार लिटर डीडीसीको दूध किन्ने सुदूरपश्चिममा फेरि रोकियो बजेट, प्रदेशसभा बैठक २४ गतेसम्म स्थगित सामान्य बढ्यो नेप्से, कारोबार रकम भने घट्यो म्याक्स टाइगरको क्यान खोल्दा चम्कियो भाग्य, ३ जनाले जिते बाइक र स्कुटर