काठमाडौं । पूर्वमन्त्री सुमना श्रेष्ठले आगामी स्थानीय तहको निर्वाचनमा काठमाडौं महानगरपालिकाको मेयर पदमा उम्मेदवारी दिने घोषणा गरेकी छन् ।
राष्ट्रिय स्वतन्त्र पार्टी (रास्वपा) की पूर्व सहमहामन्त्रीसमेत रहेकी सुमनाले बुधबार सामाजिक सञ्जालमा लेख्दै आफूले मेयरमा उम्मेदवारी दिने घोषणा गरेकी हुन् ।
उनले सामाजिक सञ्जालमा लेख्दै आफूले आर्जन गरेको ज्ञान, सीप, अनुभव र विज्ञता अब काठमाडौंको समृद्धि, सुशासन र रुपान्तरणका लागि समर्पित गर्ने बताइन् ।
‘मैले जीवन र कर्मबाट आर्जन गरेको ज्ञान, सीप, अनुभव र विज्ञता अब काठमाडौंको समृद्धि, सुशासन र रूपान्तरणका लागि समर्पित,’ उनले भनेकी छन्, ‘आगामी स्थानीय निर्वाचनमा काठमाडौं महानगरपालिकाको मेयर पदमा उम्मेदवारी दिने घोषणा गर्दछु ।’
उनी २०७९ सालको आम निर्वाचनमा रास्वपाको समानुपातिक सूचीबाट सांसद बनेकी थिइन् । पार्टी संगठनसँग मतभेद बढेपछि उनले २०८२ भदौ २९ गते सहमहामन्त्री पदबाट राजीनामा दिएकी थिइन् । त्यसयता उनी कुनै पनि पार्टीमा आवद्ध छैनन् ।

सम्बन्धित समाचार
आइजीपीमा पुनर्बहालीको माग गर्दै सर्वोच्च अदालत पुगे कार्की
दर्ता भएन दानबहादुर कार्कीको रिट
छठको तयारीमा जनकपुरधाम, प्रधानमन्त्री बालेन पनि आउने
घरमै सुतिरहेकी महिलामाथि हात्तीको आक्रमण, घटनास्थलमै मृत्यु
सार्वजनिक बिदाले दानबहादुर कार्कीको रिटको सुनुवाइ फेरि अन्योलमा
मधेशका मुख्यमन्त्री यादवद्वारा राजीनामाको घोषणा
यी हुन् चीन प्रस्थान गरेका रास्वपाका २० सांसद
इनम सापकोटामाथिको अनुसन्धान पारदर्शी नभएको एमालेको आरोप






