काठमाडौँ । नेकपा एमालेका महासचिव शंकर पोखरेलले इनम सापकोटामाथि भइरहेको अनुसन्धानको प्रक्रिया पारदर्शी नभएको आरोप लगाएका छन् ।
पार्टी केन्द्रीय कार्यालय च्यासलमा आयोजित पत्रकार सम्मेलनमा उनले सरकारले सापकोटालाई नियन्त्रणमा लिए पनि अनुसन्धान कसरी अघि बढिरहेको छ भन्ने स्पष्ट नभएको बताए ।
पोखरेलले हालका प्रधानमन्त्री वालेन्द्र शाहलाई झापाबाट उम्मेदवार बनाउने विषयमा सापकोटाकै नेतृत्वमा सर्वेक्षण भएको भन्ने विवरण सार्वजनिक भएको बताए । सापकोटा चुनावी अभियानमा सहभागी भएको र शाह प्रधानमन्त्री बनेपछि पनि सरकार सञ्चालनमा सघाउने मुख्य टोलीमा रहेको भन्ने दाबी बाहिर आएको उनको भनाइ थियो ।
प्रहरीले नियन्त्रणमा लिएको मोबाइल प्रधानमन्त्रीका एक सल्लाहकारले दुई-तीन दिनसम्म आफूसँग राखेको भन्ने विवरण पनि सार्वजनिक भएको पोखरेलले बताए ।
‘अहिले यही सरकारले इनम सापकोटालाई नियन्त्रणमा ल्याएको छ । तर पनि अनुसन्धानको प्रक्रिया रहस्यपूर्ण देखिँदै छ, पारदर्शी छैन,’ उनले भने । पत्रकार सम्मेलनमा पोखरेलले प्रधानमन्त्री शाहको कार्यशैलीको पनि आलोचना गरे ।
सम्बन्धित समाचार
न्यायाधीशवारे प्रकाशित समाचारप्रति सर्वोच्चको ध्यानाकर्षण
जापानका लागि प्रस्तावित राजदूत थापाले लिए नाम फिर्ता
कुनै कार्डमा बिश्वास राख्दैन बालेन सरकार
दर्ता भएन दानबहादुर कार्कीको रिट
छठको तयारीमा जनकपुरधाम, प्रधानमन्त्री बालेन पनि आउने
घरमै सुतिरहेकी महिलामाथि हात्तीको आक्रमण, घटनास्थलमै मृत्यु
मधेशका मुख्यमन्त्री यादवद्वारा राजीनामाको घोषणा
यी हुन् चीन प्रस्थान गरेका रास्वपाका २० सांसद






