काठमाडौं । गत २४ चैतबाट छायांकन सुरु भएको चलचित्र ‘पार्वती’को २२ दिनमा छायांकन सकिएको छ । कास्कीको माछापुच्छ्रे गाउँपालिकामा मंगलवार बेलुका अन्तिम दृश्य खिच्दै ‘इन्ड क्लाप’ गरिएको अभिनेत्री एवम् निर्देशक निता ढुंगानाले बताएकी छिन् । जसमा नितासँगै दीपाश्री निरौला, अशोक दर्जी, सिरु विष्ट, राधिका कँडेल, राज पंगेनी शर्मा, आशा पौडेललगायतको अभिनय छ ।

निता ढुंगाना फिल्मस्को ब्यानरमा निर्माण यस चलचित्रलाई अभिनेत्री तथा निर्मात्री निता ढुंगानले डेब्यु निर्देशन गरेकी हुन् । जसमा निताकै कथा तथा पटकथा रहेको छ । यसको संवाद शिवम् अधिकारीले लेखेका हुन् ।

सुदिप बरालको डिओपी रहेको यस चलचित्रमा सरोज अधिकारी क्रियटिभ निर्देशक छन्। सरोज कार्टुन क्रुका डान्सर तथा निर्देशक हुन् । यसको प्रोडक्सन म्यानेजर र कार्यकारी निर्मातामा शंकर पाण्डे छन् भने निर्मातामा हरिहर अधिकारी छन् । चलचित्रलाई १२ भदौमा रिलिज गरिने भएको छ ।

सम्बन्धित समाचार

‘मायाले जाल हान्यो’ गीत वैशाख ७ मा सार्वजनिक हुने क्याफे व्यवसायमा नेपाली अभिनेत्री कर्णालीका चलचित्रकर्मीले सिके छायांकन र लेखन दर्जनौं हिट म्युजिक भिडियो र फिल्ममार्फत उदाउँदै श्याम चलचित्र ‘लालीबजार’को प्रदर्शनमा अदालतको रोक ‘मिरा क्यान्सर समाज’ स्थापना जहाँ गुञ्जिँदै छन् प्रगतिशील सुरहरू, नयाँ पुस्ताका लागि ‘धुरन्धर २’को लाइभ विस्फोटमा ५०० लिटर पेट्रोल प्रयोग