डडेल्धुरा । महाकाली नदी किनारबाट दुई जना युवा बेपत्ता भएका छन । डडेल्धुराको भित्रिमधेश स्थित परशुराम नगरपालिका–५ स्थित महाकाली नदी किनारबाट सशस्त्र प्रहरीका एक जवानसहित दुई जना बेपत्ता भएका हुन ।

जिल्ला प्रहरी कार्यालय डडेल्धुराका प्रमुख प्रहरी नायव उपरिक्षक बरुणबहादुर सिंहकाअनुसार बेपत्ता हुनेमा परिगाउँस्थित सशस्त्र प्रहरी बलको बोर्डर आउट पोस्ट (बिओपी)मा कार्यरत प्रहरी जवान ओमप्रकाश पुन मगर र स्थानीय ५६ वर्षीय तीर्थबहादुर थापा मगर रहेका छन ।

शुक्रबारदेखि उनीहरु दुई जना सम्पर्कविहीन भएको डीएसपी सिंहले जानकारी दिए । बेपत्ता दुवै जनाको नाता मामाभान्जा पर्ने बुझिएको उनले बताए । महाकाली नदी किनारमा उनीहरूले प्रयोग गरेको ट्युब फेला परेकाले नदीमा बगेको हुन सक्ने आशंका गरिएको छ । घटनापछि सुरक्षा निकायले उनीहरूको खोजी कार्यलाई तीव्र बनाएको छ ।

डीएसपी सिंहले बेपत्ता व्यक्तिहरूको खोजी जारी रहेको जानकारी दिए । उनका अनुसार प्रहरी तथा अन्य सुरक्षा निकाय परिचालन गरी सम्भावित क्षेत्रहरूमा खोजतलास भइरहेको छ ।

सम्बन्धित समाचार

सीमा बिबादलाई लिएर दुई जिल्लाका बासिन्दाबीच झडप, एक जना प्रहरीसहित पाँच जना घाइते राति १० बजेसम्म मात्रै बल्ने धनगढीका सडक बत्ती फूल फुलेर रंगिएको धनगढी (फोटोफिचर) रुबी खानसँग छैटौं ‘उधारो सहमति’ गर्भवतीको हेलिकप्टरमार्फत उद्धार सुदूरपश्चिमका पालिकाहरुले असल कामको प्रचार गर्ने एसइई २०८२ : उत्कृष्ट नतिजा ल्याउने धनगढीका २० विद्यालय सम्मानित महाकाली नदीमा सेनाको विपद् अभ्यास