काठमाडौं । आदिवासी चलचित्रसम्बन्धी विभिन्न १४ ओटा जातीय संस्थाको आयोजनामा आइतबारबाट काठमाडौँमा जारी तीन दिनको ‘छैटौँ आदिवासी जनजाति चलचित्र महोत्सव २०८३’ सकिएको छ । विभिन्न विधामा अवार्ड प्रदान गर्दै महोत्सव मंगलवार बेलुका सम्पन्न भएको हो । चाबहिल स्थित चलचित्र विकास बोर्डमा आयोजित महोत्सवमा विभिन्न जाति जनजातिका १३ वटा लामा छोटा चलचित्र प्रदर्शन गरिएको थियो ।

महोत्सवमा उत्कृष्ट आदिवासी चलचित्रको अवार्ड गुरुङ चलचित्र ‘ङोल्स्यो रामरानी’ले जितेको छ । यही चलचित्रले उत्कृष्ट स्क्रिप्टको अवार्ड पनि हाता पा¥यो । महोत्सव समापन समारोहमा उत्कृष्ट आदिवासी चलचित्र निर्देशकको अवार्ड लिम्बु चलचित्र ‘रीत’बाट दिनेश लिङदेनले जिते । ‘रीत’बाटै निर्माता आशा नेम्वाङ राईले दर्शकको सबै भन्दा धेरै भोट प्राप्त गरेर पब्लिक च्वाईस अवार्ड प्राप्त गरिन् ।
आदिवासी जनजाति फिचर चलचित्र तर्फ नै उत्कृष्ट अभिनेताको अवार्ड मगर चलचित्र ‘दिलसरा’बाट कल्याण राना मगरले र उत्कृष्ट अभिनेत्रीको अवार्ड नेपाल भाषाको चलचित्र ‘स्वयनगु’बाट भिन्तुुना श्रेष्ठले जितिन् । उत्कृष्ट छायांकारको अवार्ड तामाङ चलचित्र ‘ह्याङ तामाङ’बाट सूर्य लामाले प्राप्त गरे ।

यस्तै उत्कृष्ट आदिवासी वृत्तचित्रको अवार्ड मगर भाषाको ‘आग्रे’बाट अनिल बुढामगरले जिते । समारोहमा राजवंशी वृत्तचित्र ‘विराटनगरके प्राचीन राजवंशी’का निर्देशक अरविन्द विस्वासलाई जुरी अवार्ड प्रदान गरियो ।

उत्कृष्ट आदिवासी लघु चलचित्रको अवार्ड मगर भाषाको लघु चलचित्र ‘लाहुरेनि’ले पायो भने तामाङ लघु चलचित्र ‘दुखला ग्यम’लाई इन्करेजमेन्ट अवार्ड प्रदान गरियो । समारोहमा आदिवासी जनजाति उत्थान राष्ट्रिय प्रतिष्ठानका निर्देशक राम मादेनले यस्ता महोत्सवले आदिवासी चलचित्रहरूलाई मूलधारमा आउन मद्दत पुग्ने बताए । महोत्सव निर्देशक सागर केरुङले यो महोत्सवमा आउँदा वर्षबाट अझ धेरै आदिवासी जनजाति चलचित्रहरू समेट्ने प्रतिबद्धता जनाए ।

सम्बन्धित समाचार

तुलसी घिमिरेलाई दीर्घ साधना सम्मान मितेरी साइनोको कथामा आधारित ‘मितज्यू’ चलचित्र पत्रकारिता दिवसः पत्रकारहरू पुरस्कृत अमेरिकामा ‘नवौँ नेपाली साहित्य सम्मेलन’सुरु, ‘डङ्की’को आवरण लोकार्पण कानुनी रूपमा नाम परिवर्तन गरे अभिनेता निकोलसले आश्रममा ‘मेरो आफ्नै संसार’ सार्वजनिक महोत्सवमा सुनाइयो आदिवासी चलचित्रकर्मीका समस्या द्रौपदी चरित्रकै कारण रूपा गांगुलीमाथि दुई पटक हातपात