काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेले पार्टी प्रदेश संरचना खारेज गर्ने पक्षमा नरहेको स्पष्ट पारेका छन्। उनले प्रदेश संरचनालाई थप प्रभावकारी र नागरिकमुखी बनाउने विषयमा मात्र बहसको प्रस्ताव गरिएको बताएका छन्।

शुक्रबार सिंहदरबारमा पार्टीको संसदीय दलको बैठकपछि सञ्चारकर्मीसँग प्रतिक्रिया दिँदै लामिछानेले आफ्नो राजनीतिक प्रतिवेदनमा प्रदेश संरचना खारेज गर्ने कुनै प्रस्ताव नरहेको उल्लेख गरे।

रास्वपाले संघीय संरचना समाप्त गर्ने होइन, त्यसको कार्यसम्पादनलाई प्रभावकारी बनाउने उपाय’bout छलफल आवश्यक रहेको धारणा राखेको उनले बताए। उनका अनुसार प्रदेश संरचनामा सुधार तथा पुन:संरचनासम्बन्धी (‘रेट्रोफिट’) अवधारणामाथि बहस गर्नुपर्ने प्रस्ताव मात्र पार्टीले अघि सारेको हो।

प्रदेश संरचनाको प्रभावकारिता’bout सबै राजनीतिक दलमा पनि छलफलको आवश्यकता महसुस भइरहेको उल्लेख गर्दै उनले रास्वपाले यही विषयमा विमर्श अघि बढाउन चाहेको बताए।

लामिछानेले सरकार र रास्वपा दुवै लोकतान्त्रिक व्यवस्था तथा संघीय शासन प्रणालीप्रति प्रतिबद्ध रहेको उल्लेख गर्दै संघीय संरचनालाई अझ प्रभावकारी, उत्तरदायी र नागरिकमैत्री बनाउने दिशामा सुधार आवश्यक रहेको धारणा व्यक्त गरेका छन्।

सम्बन्धित समाचार

रास्वपा प्रथम महाधिवेशन : बन्दसत्र सुरु हुँदै, यस्तो छ आजको सम्भावित कार्यसूची दलको बैठकमा सहभागी हुन ओली च्यासलमा विष्णु पौडेललाई तत्काल रिहा गर्न एमालेको माग रास्वपा महाधिवेशन: ८० वटा विद्युतीय उपकरणबाट मतदान गरिने रास्वपा महामन्त्रीमा आचार्य निर्वाचित रास्वपा उपसभापतिमा सोविता र महामन्त्रीमा विपिन निर्वाचित, सहमहामन्त्री को–को भए ? कम्युनिस्ट आन्दोलन नयाँ अवसर र चुनौतीको सङ्घारमा छ : पूर्वराष्ट्रपति विष्णु पौडेलको बन्दी प्रत्यक्षीकरणको रिटमाथि आज सुनुवाइ हुँदै