काठमाडौं । विगत दुई महिना देखि रिक्त रहेको नेपाल प्रज्ञा–प्रतिष्ठानले अब पदाधिकारी पाउने भएको छ । केही समय अघि संस्कृति, पर्यटन तथा नागरिक उड्डयन मन्त्री खडकराज पौडेलको संयोजकत्वमा गठित नेपाल प्रज्ञा प्रतिष्ठान पदाधिकारी छनोट समितिले कुलपति सहित पदाधिकारीको सिफारिस गरेको छ । समितिले कुलपतिमा साहित्यकार कुमार नगरकोटीको नाम सिफारिस गरेको छ । मन्त्री पौडेलको संयोजकत्वमा गठित सदस्यद्धय नारायण ढकाल र अर्चना थापाको समितिले उनको नाम सिफारिस गरेको हो ।

यस्तै यही प्रतिष्ठानमा उपकुलपतिको लागि अभिनाश श्रेष्ठको नाम सिफारिस गरिएको छ भने सदस्य सचिवमा साहित्यकार रामलाल जोशीको नाम सिफारिस गरिएको छ ।

त्यस्तै नेपाल प्रज्ञा प्रतिष्ठानको प्राज्ञ परिषद् सदस्यका लागि दीपक सापकोटा, तीर्थ गुरुङ, राजन मुकारुङ, नवीन अभिलाषी, प्रतिसरा सायमी, प्रगति राई र कृष्ण सर्वहारीको नाम पनि सिफारिस गरिएको छ ।

समितिले संस्कृति मन्त्री पौडेल मार्फत नेपाल प्रज्ञा प्रतिष्ठानको नयाँ पदाधिकारीको लागि यी नामहरू सिफारिस गरेर सरकारलाई पठाएको छ । यी नामहरूलाई अब बस्ने मन्त्री परिषद्को बैठकले अनुमोदन गर्ने बताइएको छ ।

यसैबिच नेपाल संगीत तथा नाट्य प्रज्ञा प्रतिष्ठान र नेपाल ललितकला प्रज्ञा प्रतिष्ठानको प्राज्ञ पदाधिकारी चयनको लागि विभिन्न नामहरू संकलन गरिएको छ । नेपाल प्रज्ञा प्रतिष्ठानमा प्राज्ञ परिषद्को नियुक्तपछि यी दुई प्रतिष्ठानको लागि सम्बन्धित पदको सिफारिस संस्कृति मन्त्री पौडेललाई बुझाइने छ ।

सम्बन्धित समाचार

६ महिनादेखि अड्कियो मुख्यमन्त्री थलापति विजयको अन्तिम चलचित्र ‘यो कथा होइन’ मा १०० वर्ष अघिको कथा दयाहाङ र मिरुनाले सुरु गरे ‘रातो घेरा–द रेड सर्कल’ ‘वेलकम टु द जंगल’ पहिलो हप्तामा १३७ करोड यम बराल गम्भीर बिरामी, उपचार गर्न दिल्ली लगिने ‘तिरिमिरी झ्याइँ’ सुरु, धिरेन शाक्यसँगै दले दाइ पनि नायक तेस्रो ‘अन्तरराष्ट्रिय नेपाली फिल्म अवार्ड’ नेपालमा हुने एउटा ‘अग्र्यानिक’ चरित्रमा रेखाको अनुभव