नेपाली ब्राण्डलाई प्रवर्द्धन गर्न उद्योगमन्त्रीको आह्वान

काठमाडौं । उद्योग, वाणिज्य तथा आपूर्ति मन्त्री गौरीकुमारी यादवले स्वदेशी उत्पादनको प्रवर्द्धन, उपभोक्तालाई गुणस्तरीय वस्तुको सुनिश्चितता गर्न तथा निर्भरता घटाउन नेपाल गुणस्तर (एनएस) चिह्न लिन उद्योगी तथा व्यवसायीलाई आग्रह गरेकी छिन् ।

उनले गुणस्तरीय स्वदेशी उत्पादनको विकास र बजार विस्तारका लागि एनएस चिह्नको प्रयोग प्रभावकारी हुने विश्वास व्यक्त गरिन्। नेपाल गुणस्तर तथा नापतौल विभागका पदाधिकारीसँगको छलफलमा मन्त्री यादवले नेपालमा उत्पादन हुने वस्तुको गुणस्तर सुनिश्चित गर्न नेपाल गुणस्तर चिह्नको दायरा विस्तार गर्नुपर्नेमा जोड दिएकी हुन् ।

उनले नेपालमै उत्पादन भएका वस्तुलाई स्वदेशी बजारमा सहज रूपमा बिक्री वितरण गर्न तथा उपभोक्तामाझ विश्वास बढाउन उक्त चिह्न आवश्यक रहेको बताइन् । त्यसका लागि सरकारले व्यवसायीलाई आवश्यक प्रोत्साहन दिने र गुणस्तर चिह्न प्राप्त गर्ने प्रक्रियालाई थप सहज बनाउने निर्णय गरेको उनले जानकारी दिइन्।

मन्त्री यादवले नेपाल गुणस्तर चिह्न प्राप्त गरेका वस्तुलाई अन्तर्राष्ट्रिय बजारमा निर्यात तथा बिक्री वितरण गर्न सहज हुने उल्लेख गर्दै त्यसका लागि आवश्यक सम्पूर्ण प्रक्रियामा मन्त्रालयले सहजीकरण गर्ने बताइन् ।

हालसम्म नेपालमा उत्पादन हुने सिमेन्ट, रड, टायरलगायत विभिन्न औद्योगिक उत्पादनले नेपाल गुणस्तर चिह्न प्राप्त गरिसकेका छन् । पछिल्लो समय नेपालमै उत्पादन हुने सेनेटरी प्याडले नेपाल गुणस्तर चिह्न प्राप्त गरेको छ । धेरै उद्योग तथा कम्पनीले उक्त चिह्न लिन बाँकी रहेकाले समयमै आवश्यक प्रक्रिया पूरा गर्न मन्त्रालयले आह्वान गरेको छ ।

मन्त्रालयका अनुसार नेपाल गुणस्तर चिह्नको प्रयोगले स्वदेशी उत्पादनप्रति उपभोक्ताको विश्वास बढ्नुका साथै नेपाली ब्रान्डलाई राष्ट्रिय तथा अन्तर्राष्ट्रिय बजारमा स्थापित गर्न महत्त्वपूर्ण भूमिका खेल्ने अपेक्षा गरिएको छ । साथै यसबाट विदेशी आयातमा निर्भरता घट्दै स्वदेशी उद्योग र उत्पादनलाई थप प्रोत्साहन पुग्ने विश्वास मन्त्रालयको छ ।

तपाइको प्रतिक्रिया
(Visited 18 times, 1 visits today)

सम्बन्धित समाचार

अन्यौलमा ओली–प्रचण्ड सत्ता सहमति प्रहरीद्वारा भन्सार छली गरेर ल्याइएका सिलाइ सामग्री बरामद व्यवसायी गोल्छा एक करोड धरौटीमा रिहा रास्वपाका सभापति लामिछानेद्वारा सर्वदलीय बैठक आह्वान नेपालमा बाघको संख्या ४२९ शान्ति, सुव्यवस्था र सद्भाव कायम गर्न राष्ट्रिय एकता अपरिहार्य छः लामिछाने शिव शिखरका बचतकर्तालाई रकम फिर्ता : थप ५६ जनाले पाए रकम प्रधानमन्त्री शाहले राष्ट्रका नाममा सम्बोधन गर्दै

epaper

प्रमुख

ताजा समाचार

दुर्घट्नामा परी राम टोलका दुई रामको मृत्यू
काठमाडौं । प्रधानमन्त्री बालेन्द्र शाहसँग आज सुदूरपश्चिम प्रदेशबाट प्रतिनिधिसभामा प्रतिनिधित्व गर्ने राष्ट्रिय स्वतन्त्र पार्टी (रास्वपा) का सांसदहरूले प्रधानमन्त्री तथा मन्त्रिपरिषद्को कार्यालयमा भेट गरेका छन् । भेटका क्रममा सांसदहरूले सरकारले सुशासनका ...
कानुनमै नभएको व्यवस्था कार्यविधिमा राखेर पुरस्कार स्किम घोषणा काठमाडौं । सरकारले उपभोक्तालाई दैनिक एक लाख ३३ हजार ३३४ रुपैयाँ र प्रत्येक १५ दिनमा १० लाख रुपैयाँ ‘बम्पर उपहार’ दिने गरी ...
काठमाडौं । प्रधानमन्त्री बालेन्द्र शाहले सुदूरपश्चिम प्रदेशका सांसदहरूसँग छलफल गरिरहेका छन् । प्रधानमन्त्री तथा मन्त्रिपरिषद्को कार्यालयमा आज बिहान ११ बजे सुरु छलफलमा समसामयिक राजनीतिक विषयमा छलफल भइरहेको जनाइएको छ । ...
काठमाडौं । सरकारका प्रवक्ता तथा शिक्षा तथा खेलकुदमन्त्री सस्मित पोखरेलले विभिन्न सञ्चारमाध्यममा राजनीतिक विषयमा कलम चलाउने पत्रकारहरूसँग आज अन्तरक्रिया गर्ने कार्यक्रम रहेको छ । सिंहदरबारस्थित मन्त्रालयमा अपराह्न ३ बजे आयोजना ...
इलाम । इलामको माईजोगमाई गाउँपालिका–२ मा आमा–छोराको मृत्यु भएको छ । अनिल खत्रीका अन्दाजी ११ वर्षीय छोरा आहान खत्रीको विद्यालयबाट घर फर्कने क्रममा बजुर खोलाले बगाएर मृत्यु भएको हो । ...