काठमाडौं । आज बुधबार बिहान भोटेकोशी नदीमा आएको बाढीका कारण रसुवामा नेपाल प्रहरी र सशस्त्र प्रहरीका गरी २८ जना सम्पर्कविहीन भएका छन् । नेपाल प्रहरीका १९ र सशस्त्र प्रहरीका ९ गरी २८ जना बेपत्ता भएका छन् ।

बागमती प्रदेश प्रहरी प्रमुख डीआईजी दीपक रेग्मीका अनुसार रसुवागढी प्रहरीचौकीका २२ प्रहरीमध्ये १३ जना सम्पर्कविहीन छन् । ९ जना मात्रै सम्पर्कमा आएका छन् ।

यस्तै, स्याफ्रुबेसीमा रहेका ९ जनामध्ये ६ जना प्रहरी हराइरहेका छन् । ३ जना मात्रै सम्पर्कमा आएका छन् । बाढीले प्रहरी कार्यालय पनि बगाएको छ ।

यस्तै, बाढीले टिमुरेस्थित सशस्त्र प्रहरी बलको बोर्डर आउट पोस्ट सुरक्षित भए पनि कार्यक्षेत्र (ड्यिुटी)मा खटिइएको प्रहरी टोली सम्पर्कविहीन बनेको छ । त्यहाँबाढ सशस्त्रका ९ जना बेपत्ता छन् ।

सशस्त्र प्रहरीका सहप्रवक्ता शैलेन्द्र थापाले भोटेकोशीमा अकस्मात ठूलो बाढी आएको र त्यसबाट टिमुरे क्षेत्रमा ठूलो क्षति भएको अनुमान गरिएको जानकारी दिए । ‘टिमुरेमा रहेको बीओपी सुरक्षित छ, तर ड्यिुटीमा खटिइएको टोलीसँग सम्पर्क हुन सकेको छैन,’ उनले भने ।
प्रभावित क्षेत्रमा रहेका प्रहरी टोलीसँग सम्पर्क गर्ने र स्थिति बुझ्ने प्रयास भइरहेको सहप्रवक्ता थापाले जानकारी दिए ।

बुधबार बिहान ९ बजे अचानक आएको बाढीले टिमुरे, स्याफ्रुबेसीलगायतका क्षेत्रका तटीय क्षेत्रमा ठूलो क्षति पुगेको छ ।

खोज तथा उद्धारका लागि नेपाली सेनाले दुई वटा हेलिकप्टरसहितको टोली परिचालन गरेको छ ।

अस्पतालमा सेनाको स्वास्थ्यकर्मीसहितको टोली परिचालन गरिएको छ । उद्धारका लागि नेपाली सेनाले धुन्चे, रसुवा र धादिङको गजुरीबाट टोली परिचालन गरेको छ ।

सम्बन्धित समाचार

सप्तकोशीको धार फेरिँदा श्रीलंका टापुका ६ सय परिवार जोखिममा रोल्पामा अविरल वर्षापछि खसेको पहिरोले घरगोठ पुरियो, दुईको मृत्यु जनआस्थाका सम्पादक किशोर श्रेष्ठलाई जफत सामाग्रीसहित सोमबार अदालत उपस्थित गराउन सर्वाेच्चको आदेश रोकिराखेको बस आफैं गुडेर भीरबाट खस्दा २ महिलाको मृत्यु यस्तो छ मानव बेचबिखनविरुद्धको २०औँ राष्ट्रिय दिवसको नारा, २० भदौमा मनाइने स्कुलबाट घर आउँदै गर्दा बगेकी बिनिताको शव भेटियो, एक जनाको खोजी जारी मन्त्री बादीद्वारा भृकुटीमण्डपको छड्के अनुगमन : नयाँ स्वरूपमा विकासका लागि अध्ययन अघि बढाइने बस र मोटरसाइकल ठोक्किँदा मोटरसाइकलमा सवार दुई जनाको मृत्यु