धनगढी । कैलालीको गौरीगंगा नगरपालिका-६, मोयास्थित भैरव आधारभूत विद्यालयमा जातीय विभेद तथा छुवाछुत गरेको आरोपमा तीन शिक्षक पक्राउ परेका छन् ।

दलित समुदायका विद्यार्थी तथा अभिभावकले दिएको उजुरीका आधारमा शिक्षक भगवती बडैला, भगवती रेग्मी र टेकराज उपाध्याय पक्राउ परेका हुन् ।

पक्राउ परेका तीनै जनालाई इलाका प्रहरी कार्यालय मालाखेतीमा राखेर अनुसन्धान भइरहेको इलाका प्रहरी कार्यालय मालाखेतीका प्रमुख, प्रहरी नायब उपरीक्षक हिरासिंह महराले जानकारी दिए ।

विद्यालयमा दलित समुदायका विद्यार्थी, व्यवस्थापन समितिका अध्यक्ष, एक शिक्षिका र कार्यालय सहयोगीमाथि जातीय आधारमा विभेदपूर्ण व्यवहार गरिएको आरोप छ ।

व्यवस्थापन समितिका अध्यक्ष चक्रबहादुर विक, शिक्षिका बिना विक, कार्यालय सहयोगी लक्ष्मीदेवी दमाई तथा दलित विद्यार्थीमाथि विभेद गरिएको समितिका सदस्य कैलाश आउजीले बताए ।

घटना सार्वजनिक भएपछि स्थानीयवासी, अभिभावक तथा सरोकारवालाले निष्पक्ष छानबिन गरी सत्यतथ्य सार्वजनिक गर्न माग गरेका छन् ।

संविधानले जातीय भेदभाव तथा छुवाछुतलाई निषेध गरेको छ । पक्राउ परेका शिक्षकहरूमाथिको आरोप’bout अनुसन्धानपछि कानुनी प्रक्रिया अघि बढ्ने प्रहरीले जनाएको छ ।

सम्बन्धित समाचार

भारी वर्षाको चेतावनीपछि धनगढीमा नगर प्रहरीको माइकिङ भारी वर्षाको पूर्वानुमानपछि सुदूरपश्चिममा सुरक्षा संयन्त्र तयारी अवस्थामा कुकुरको मासु बिक्री गरेको आरोपमा कैलालीमा एक जना पक्राउ सुदूरपश्चिममा आज रातिदेखि वर्षा बढ्ने, चार जिल्ला उच्च जोखिममा डडेल्धुरामा जंगलमा प्रहरी जवान मृत फेला करदाता प्रोत्साहन उपहार : भदौ महिनाको यी हुन् ३३ विजेता सुदूरपश्चिममा असोज संक्रान्तिलाई बुढी पोल्ने पर्वको रूपमा मनाइँदै भोटेकोशी बाढी प्रभावित ‘होल्डिङ सेन्टर’ छाडेर क्रमशः कोठातिर