काठमाडौं । साताको अन्तिम कारोबार दिन शुक्रबार सेयर बजार खुम्चिएको छ ।  बिहीबार स्थिर रहेको नेप्से, आज भने घटेर बन्द भएको हो।

आज नेपाल स्टक एक्सचेन्ज (नेप्से) परिसूचक ११.९० अंक घटेर २५८७.२५ विन्दुमा झरेको छ। सेन्सेटिभ इण्डेक्स १.७४ अंक, फ्लोट इण्डेक्स ०.८१ अंक र सेन्सेटिभ फ्लोट इण्डेक्स ०.७१ अंक घटेको छ।

१३ मध्ये दुई उपसमूहको परिसूचक बढेको छ । म्युचुअल फण्ड र व्यापार उपसमूहको परिसूचक सामान्य बढेको छ। कारोबारमा आएको उत्पादन तथा प्रशोधन उपसमूहको परिसूचक सबैभन्दा बढी ०.७३ प्रतिशत घटेको छ।

नेप्सेसँगै शुक्रबार कारोबार रकम पनि घटेको छ। बिहीबार चार अर्ब ८९ करोड रुपैयाँबराबरको सेयर खरिदबिक्री भएको थियो । आज चार अर्ब २९ करोड ३७ लाख ७४ हजार रुपैयाँबराबरको एक करोड १९ लाख १२ हजार कित्ता सेयर खरिदबिक्री भएको छ।

आज १०.७५ प्रतिशत एसबिएल डिबेञ्चर २०८९ को २६ करोड ५३ लाख रुपैयाँबराबरको ऋणपत्र कारोबार भएको छ। साढे १५ करोड रुपैयाँबराबरको रिलायन्स स्पिनिङ मिल्सको सेयर किनबेच भएको छ । आँखु खोला जलविद्युत कम्पनीको करिब १५ करोड रुपैयाँको सेयर खरिदबिक्री भएको छ।

आज एनएमबि डिबेञ्चर १०.७५ प्रतिशत २०८९/९० को मूल्य सर्वाधिक १४.२९ प्रतिशत बढेको छ। १०.७५ प्रतिशत एसबिएल डिबेञ्चर २०८९ को मूल्य करिब ९ प्रतिशत बढेको छ । माण्डु हाइड्रोपावरको सेयरमूल्य करिब साढे ५ प्रतिशत बढेको छ। 

सम्बन्धित समाचार

तीस अर्बको एकमहिने निक्षेप सङ्कलनको बोलकबोल आह्वान यस्तो छ आजका लागि विदेशी मुद्राको विनिमयदर घट्यो सुनचाँदीको मूल्य, कतिमा भइराखेको छ कारोबार ? सडक बन्दको असर बजारमा, दशैंसम्मै अभाव र महँगी २६ सयको विन्दुमा ओर्लियो नेप्से, कारोबार रकम पनि घट्दो शाओमी नेपालको चाडपर्व लक्षित योजना, दैनिक उपहारदेखि थाइल्यान्ड भ्रमणसम्मको अवसर इटहरीमा आजदेखि सीप तथा रोजगार मेला, सभामुख अर्यालले उद्घाटन गर्दै एनसेल ग्राहकलाई आइफोन १८ खरिदमा विशेष बन्डल प्याकेज