काठमाडौं । घरायसी विवादका क्रममा श्रीमती हत्या आरोपमा प्रहरीले बाराको निजगढ नगरपालिका–१२ रामथलीका ५५ वर्षीय विजय मोक्तानलाई पक्राउ गरेको छ ।

घरायसी विवादका क्रममा उनले बुधबार श्रीमती ४७ वर्षीया सुकुमाया मोक्तानलाई लहराको टुक्राले कुटपिट गरेका थिए । कुटपिटबाट सामान्य घाइते भएकी सुकुमायाको स्थानीय मेडिकलबाट चिकित्सकलाई घरमै बोलाई जाँच तथा औषधि उपचार गराइएको थियो । राति ८ बजे खाना खाएर सुतेकी सुकुमायालाई बिहीबार बिहान ४ बजे उठाउन खोज्दा नउठेपछि विजयले ६:४० बजे अस्थायी प्रहरी पोष्ट रतनपुरमा गराएका थिए ।

जानकारी प्राप्त हुनासाथ घटनास्थल पुगेको प्रहरीले कानुनी प्रक्रिया पूरा गरी शव पोस्टमार्टमका लागि प्रादेशिक अस्पताल बारा पठाएको छ । घटनामा संलग्न मोक्तानलाई नियन्त्रणमा लिई आवश्यक अनुसन्धान भइरहेको प्रहरीले जनाएको छ ।

सम्बन्धित समाचार

देवताल गाउँपालिका-३ का वडाध्यक्ष कुशवाहाको निधन ठेकेदार समूहद्वारा वीरगञ्जका इन्जिनियर जैसवालमाथि कुटपिट टिभीको तार सर्ट हुँदा बालकको ज्यान गयो, ४ घाइते ‘लभ एन्ड वार’ बाट आलिया र रणवीरको पहिलो झलक सार्वजनिक जसपा नेपालका पूर्व रौतहट अध्यक्ष यादवले छाडे पार्टी इटहरीमा सीप तथा रोजगार मेला सुरु विषालु सर्पले डस्यो सहारा प्रभु साहको राजनीतिक प्रतिवेदनमा के छ ?