उदयपुर । उदयपुरको चौदण्डीगढी नगरपालिकाले कृषि उत्पादनमा बृद्धि, लागत न्यूनीकरण र कृषिको आधुनिकीकरणलाई प्राथमिकता दिँदै किसानलाई कृषि सामग्री वितरण गरेको छ । नगरपालिकाले ५० प्रतिशत लागत सहभागितामा १४ जना किसानलाई हाते ट्र्याक्टर (मिनी टिलर), २५ जनालाई मल्चिङ प्लास्टिक तथा १०२ जना किसानलाई १४७ वटा प्लास्टिक टनेल वितरण गरेको हो ।

नगर प्रमुख कालुमान लामाले कृषि सामग्री वितरण गरिएको हो । व्यक्तिगत किसानसँगै कृषि समूह, कृषि फर्म र कृषि सहकारीलाई समेत सामग्री उपलब्ध गराइएको नगरपालिकाले जनाएको छ । परम्परागत कृषि प्रणालीलाई क्रमशः यान्त्रिक र व्यावसायिक बनाउँदै उत्पादन तथा उत्पादकत्व बृद्धि गर्ने उद्देश्यले कृषि सामग्री वितरण गरिएको नगर प्रमुख लामाको भनाइ छ ।

नगरपालिकाका कृषि शाखाका अनुसार किसानको लागत घटाउने, उत्पादन बढाउने तथा कृषि क्षेत्रमा आधुनिक प्रविधिको प्रयोग विस्तार गर्ने उद्देश्यले कृषि सामग्री वितरण कार्यक्रम सञ्चालन गरिएको हो । हाते ट्र्याक्टर अर्थात् मिनी टिलरले खेत जोत्न तथा कृषि कार्यमा आवश्यक श्रम र समय घटाउने अपेक्षा गरिएको छ ।

त्यसैगरी, मल्चिङ प्लास्टिक र प्लास्टिक टनेलको प्रयोगबाट मौसम अनुसारको उत्पादनमा सहजता आउने तथा तरकारी खेतीलाई थप व्यवस्थित र व्यावसायिक बनाउन सहयोग पुग्ने नगर प्रमुख लामाको विश्वास छ । नगर प्रमुख लामाले कृषि क्षेत्रलाई नगरपालिकाको आर्थिक समृद्धिको महत्वपूर्ण आधारका रूपमा विकास गर्न स्थानीय सरकार प्रतिबद्ध रहेको बताए ।

किसानको मेहनत र लगानीलाई प्रविधिसँग जोड्न सके उत्पादन बढाउनुका साथै कृषि व्यवसायलाई दिगो र व्यावसायिक बनाउन सकिने उनको भनाइ छ । कृषिमा लागत घटाउने, उत्पादन बढाउने र यान्त्रिकीकरण मार्फत कृषि व्यवसायलाई व्यावसायिक बनाउँदै आधुनिक कृषि प्रणालीको विकास गर्नु हाम्रो प्राथमिकता हो,’ नगर प्रमुख लामाले भने, ‘कृषि क्षेत्रमा आत्मनिर्भर नगर निर्माण गर्ने लक्ष्य सहित किसानलाई आवश्यक सामग्री र प्रविधिमा सहयोग गर्दै जानेछौं ।

नगरपालिकाले कृषि क्षेत्रमा उत्पादन बृद्धि गर्न किसानलाई आवश्यक प्रविधि, उपकरण तथा सामग्रीमा सहजीकरण गर्दै आएको जनाएको छ । कृषि सामग्रीमा गरिएको लागत सहभागिताले किसानलाई प्रविधिको पहुँचमा ल्याउनुका साथै आफ्नै लगानीमा कृषि व्यवसाय विस्तार गर्न प्रोत्साहन मिल्ने नगरपालिकाको अपेक्षा छ ।

प्लास्टिक टनेल र मल्चिङ प्रविधिको प्रयोगले तरकारी तथा अन्य बालीमा मौसमको प्रतिकूल प्रभाव न्यूनीकरण गर्न, उत्पादनको गुणस्तर कायम गर्न तथा खेतीयोग्य जमिनको प्रभावकारी उपयोग गर्न सहयोग पुग्ने कृषि क्षेत्रका जानकारहरू बताउँछन् । त्यस्तै, मिनी टिलरको प्रयोगले श्रमिक अभाव र परम्परागत कृषि उपकरणका कारण बढ्दै गएको उत्पादन लागत कम गर्न महत्वपूर्ण भूमिका खेल्ने अपेक्षा गरिएको छ ।

कृषिलाई निर्वाहमुखी अवस्थाबाट व्यावसायिकतातर्फ लैजाने योजना अन्तर्गत किसानलाई समूह, फर्म तथा सहकारी मार्फत प्रविधि र सामग्रीमा जोड्ने नीति नगरपालिकाले लिएको नगर प्रमुख लामाले जानकारी दिए । यसबाट उत्पादनमा बृद्धि हुनुका साथै स्थानीयस्तरमै रोजगारी र आम्दानीका अबसर सिर्जना हुने अपेक्षा गरिएको छ । कृषिमा यान्त्रिकीकरण, आधुनिक प्रविधिको प्रयोग र किसानको प्रत्यक्ष सहभागितालाई एकीकृत गर्दै अघि बढ्ने नगरपालिकाको योजनाले चौदण्डीगढीलाई कृषि उत्पादनमा आत्मनिर्भर बनाउने लक्ष्य लिएको छ । किसानको मेहनतमा स्थानीय सरकारको प्रविधिगत साथ थपिँदै गए कृषि क्षेत्रलाई नगरको आर्थिक विकासको प्रमुख आधार बनाउन सकिने नगर प्रमुख लामाको विश्वास छ ।

सम्बन्धित समाचार

घट्यो सुनचाँदीको मूल्य, कतिमा भइराखेको छ कारोबार ? विपद्लाई मध्यनजर गर्दै झापामा सशस्त्रद्वारा सचेतनामूलक माइकिङ तथा उद्धारको तयारी सडक बन्दको असर बजारमा, दशैंसम्मै अभाव र महँगी सुन्दरहरैंचा कांग्रेसमा अर्को शक्तिको उदय २६ सयको विन्दुमा ओर्लियो नेप्से, कारोबार रकम पनि घट्दो शाओमी नेपालको चाडपर्व लक्षित योजना, दैनिक उपहारदेखि थाइल्यान्ड भ्रमणसम्मको अवसर इटहरीमा आजदेखि सीप तथा रोजगार मेला, सभामुख अर्यालले उद्घाटन गर्दै एनसेल ग्राहकलाई आइफोन १८ खरिदमा विशेष बन्डल प्याकेज