काठमाडौं । निवर्तमान प्रहरी महानिरीक्षक दानबहादुर कार्कीको रिट शुक्रबार सर्वाेच्च अदालतमा दर्ता भएको छ । आफूलाई गैरकानुनी रूपमा प्रहरी महानिरीक्षकबाट हटाइएको दाबीसहित उनले हिजो बिहीबार सर्वोच्च अदालतमा रिट पेश गरेका थिए । ‘समय अभाव’का कारण बिहीबार दर्ता हुन नसकेको रिट आज शुक्रबार दर्ता भएको सर्वोच्च अदालत प्रशासनले जनाएको छ ।

रिटमा उनले सुनुवाइको मौका नदिई आधार र कारणविनै गैरकानुनी रूपमा प्रहरी प्रमुखबाट हटाइएको दाबी गरेका छन् । उनले आफूलाई पुनर्बहालीको माग गरेका छन् ।

निवेदन दर्ता भएको भोलिपल्ट सुनुवाइको लागि पेशी तोक्ने चलन हुन्छ । तर, शनिबार र आइतबार सार्वजनिक बिदा तथा त्यसपछि तिहार बिदाका कारण सुनुवाई तत्काल नहुने भएको छ । तिहार बिदापछि सरकारी कार्यालय कात्तिक २७ गतेबाट खुल्ने छ ।

सरकारले कात्तिक १८ गते निवर्तमान प्रहरी महानिरीक्षक कार्कीलाई हटाएर प्रधानमन्त्रीको सुरक्षा सल्लाहकारको जिम्मेवारी दिएको भएपनि उनले मन्त्रिपरिषद्को निर्णयको पत्र बुझेका छैनन् । उनको ठाउँमा एआईजी डा. मनोजकुमार केसीलाई प्रहरी प्रमुखमा नियुक्त भइसकेका छन् ।

सम्बन्धित समाचार

सुनसरीमा लागूऔषध बरामद र भ्रामक भिडियो प्रकरणमा खास भएको के हो ? सशस्त्र प्रहरी बल नेपाल र सशस्त्र सीमा बल भारतबीच द्विपक्षीय समन्वय बैठक काठमाडौंमा सुरु   नेपाल–भारत १०औँ समन्वय बैठक : सीमा सुरक्षा, प्रविधिमैत्री व्यवस्थापन र द्विपक्षीय सहकार्य सुदृढ बनाउने साझा प्रतिबद्धता सशस्त्र प्रहरीद्वारा पाँच बंगलादेशी नागरिक पक्राउ आईजीपी कार्की हटाइए, नयाँ आईजीपीमा डा. मनोज केसी नियुक्त सुरक्षा अवस्था’bout सुरक्षा निकायका प्रमुखहरूसँग प्रधानमन्त्रीले लिए ब्रिफिङ कांग्रेसका नवनिर्वाचित पदाधिकारी र केन्द्रीय सदस्यको शपथ बिहीबार एनपीएलमा आज दुईवटा खेल