काठमाडौं । ‘विमल गुरुङ कृति पुरस्कार–२०८०’ का लागि आयोजक पक्षले मनोनयन सुची सार्वजनिक गरेको छ । एक विज्ञप्ति जारी गर्दै २०८० मा प्रकाशित १० वटा पुस्तकको मनोनयन सूची सार्वजनिक गरेको हो ।

कवि विमल गुरुङ स्मृति पुस्तकालयले मनोनयनमा परेको उत्कृष्ट १० पुस्तक मध्यबाट एउटालाई ‘विमल गुरुङ कृति पुरस्कार–२०८०’ प्रदान गरिने जनाएको छ । पुरस्कारमा २ लाख रुपैयाँ राशी र ताम्रतत्र रहेको छ ।

पुस्तकालयले दुई वर्ष अघिदेखि वर्षको उत्कृट कुतिलाई विमल गुरुङ कृति पुरस्कार प्रदान गर्दै आएको पुस्तकालयका अध्यक्ष पूर्णबहादुर गुरुङले बताए ।

यसरी मनोनयनमा परेको उत्कृष्ट छनोटमा परेका कृतिमा मोमिलाको निबन्ध संग्रह प्रश्नहरू त बाँकी नै रहन्छन्, जशकुमार राई र अर्जुन उप्रेतीको संयुक्त लेखन रहेको रत्न बान्तवाको जीवनी नेपालमा सुरुङ युद्ध, इन्दु नेपाल योञ्जनको कविता संग्र्रह अन्तिम सेलो, प्रकाश थाम्सुहाङको निबन्ध संग्र्रह शब्दथुम, अखण्ड भण्डारीको उपन्यास बोरा रहेका छन् ।

यस्तै दाजु गुरुङको उपन्यास निरजोया, अभय श्रेष्ठको कविता संग्रह लहना र तीर, गगन योक्पाङ्देनको कविता संग्र्रह केवाफुंको गीत, प्रवीण खालिङको निबन्ध संग्रह चियागफ, मञ्जुला तामाङ सुब्बाको कविता संग्र्रह कुहिरोभित्र घुम जोरबंगलो पनि मनोनयनमा परेको छ । स्वदेश र विदेशमा नेपाली भाषामा प्रकाशित १ सय १ वटा पुस्तक प्राप्त भएको पुस्तकालयले जनाएको छ ।

पुस्तकालयले ३३ वर्षदेखि नियमित आयोजना गर्दै आएको राष्ट्रिय कविता महोत्सवमा यो पुरस्कार प्रदान गर्ने आयोजक पक्षले जनाएको छ । महोत्सबको लागि पुस्तकालयले १० उत्कृष्ट कविता पनि छनोट गरेको छ । प्राप्त भएका ८१ कविताहरू मध्ये १० कविता छनोट गरिएको पनि अध्यक्ष गुरुङले जानकारी गराएका छन् ।

सम्बन्धित समाचार

दिव्या र करण आमने सामने ! फिल्म ‘ताण्डवम्’ भ्यालेन्टाइन डे मा प्रदर्शन हुने फिल्म ‘गुन्युचोलो’ अमेरिकाको प्रतिष्ठित तस्वीर फिल्म मार्केटमा छनोट फिल्म ‘एक्टर: टेक वन’ प्रदर्शन मिति सर्यो ‘पुष्पा २: द रुल’ ले रिलिज अघि नै कमायो ९०० करोड ! सुरक्षा बढाउँदा पनि सलमानलाई ज्यानमार्ने धम्की बक्स अफिस रिपोर्ट अन्यौल, बोर्डले अझै ६ महिना व्यापारिक रिपोर्ट नदिने छक्का पञ्जाको आम्दानी बाढी पीडितलाई सहयोग विपन्न चलचित्रकर्मीको दाहसंस्कार खर्च अब बोर्डले ब्यहोर्ने टिजरमा आयो केटी हराएको सूचना संस्कृति मन्त्रीलाई ललितकला प्रतिष्ठानका पदाधिकारीले बुझाए प्रतिवेदन किशोरकुमारको बायोपिकमा रणबीर हटाएर आमिर