वीरगन्ज । मधेश प्रदेशमा नै पहिलो पटक वीरगन्ज न्युरो तथा जनरल अस्पतालले इस्केमिक स्ट्रोक (पक्षघात–लकवा) को थ्रोम्बोलाइसिस प्रक्रियाबाट सेवा सुरु गरेको छ । थ्रोम्बोलाइसिस प्रक्रियाबाट इस्केमिक स्ट्रोकको सेवा सुरु यो सेवा सम्भवतः मधेश प्रदेशमा नै पहिलो भएको पाइएको हो ।

तीन जना बिरामी रोगमुक्त

वीरगन्ज न्युरो तथा जनरल अस्पतालमा हालसम्म तीन जना बिरामीले थ्रोम्बोलाइसिस प्रक्रियाबाट सफलतापूर्वक उपचार सेवा पाइसकेको अस्पताका न्यूरो सर्जन डा.श्यामबाबु प्रसादले बताए । अस्पतालका प्रमुख समेत रहेका डा. श्याम बाबु प्रसादले यो सेवा मधेश प्रदेशको स्वास्थ्य क्षेत्रका लागि ठूलो उपलब्धी भएको पनि दावी गरे । यसअघि थ्रोम्बोलाइसिस प्रक्रियाबाट इस्केमिक स्ट्रोकको उपचार भएको कुनै रेकर्ड थिएन । ‘वीरगन्जको चिकित्सा क्षेत्रका लागि पनि यो झन ठूलो कदम हो’ डा.श्यामबाबु प्रसादको दावी छ ।

मस्तिष्कमा रक्तसञ्चार बन्द गर्ने रगतको थोपा हटाउन अथवा पगाल्न थ्रोम्बोलाइसिस उपचार विधि अपनाइन्छ । यस्तो विधिमा औषधिको प्रयोग हुने पनि उनको भनाइ छ । थ्रोम्बोलाइसिस इस्केमिक स्ट्रोकको उपचारका लागि प्रभावकारी विधि पनि मानिने डा.श्यामबाबु प्रसादले बताए । मस्तिष्कमा रगत पु¥याउने धमनीमा अवरोध भएपछि इस्केमिक स्ट्रोक हुने गर्दछ । बिरामीमा लक्षण देखिएको साढे चार घण्टा भित्र अस्पतालमा ल्याइपु¥याउन सके यो लक्वा तथा पक्षघात रोगबाट बिरामीलाई बचाउन रोकिने पनि डा.श्याम बाबु प्रसादको तर्क छ ।

स्ट्रोकका लक्षणहरूमा अचानक कमजोरी हुने, बोल्न गाह्रो हुने वा अनुहार बाङ्गिने जस्तो जस्ता लक्षण हुन्छन् । यस्तो भएमा तुरुन्त अस्पतालमा ल्याउन सके बिरामीको जीवन सुरक्षित गर्न सकिने पनि अस्पतालले शनिबार यहाँ पत्रकार सम्मेलन गरेर जनाएको छ । यस्ता बिरामीका लागि अन्य उपचार विधिको तुलनामा थ्रोम्बोलाइसिस विधि छिटो र सस्तो पनि हुने न्यूरो सर्जन डा.श्यामबाबु प्रसादको दावी छ । नेपाल सरकारबाट पनि थ्रोम्बोलाइसिस उपचार विधि स्वीकृत भएको र अन्तर्राष्ट्रिय स्वास्थ्य सङ्गठनहरूले समेत मान्यता दिएको न्यूरो अस्पतालका प्रमुख डा.डा. श्याम बाबुले जनाए ।

थ्रोम्बोलाइसिसको सुरुवात वीरगन्जमा हुनु यहाँको स्वास्थ्य क्षेत्रका लागि एउटा कोसेढुंगा पनि हुने यहाँको स्वास्थ्य क्षेत्रका जानकारहरुको पनि तर्क छ । इस्केमिक स्ट्रोक उपचारका लागि बिरामीहरूलाई राजधानी काठमाडौं अथवा भारत जस्ता ठाउँमा पुगी महंगो सेवा लिन यहाँका बिरामीको बाध्य हुने दवाव पनि कम भएको पनि उनीहरुको भनाइ छ ।

सम्बन्धित समाचार

सिभिल अस्पतालका सञ्चालक साह पक्राउ बाघ नियन्त्रणमा लिने प्रयास गर्दा आधा दर्जन घाइते राष्ट्रिय अनुसन्धानका सईले गरे बिना दाइजो बिहे परिक्रमाका यात्रुका लागि हेल्पडेस्क अति सहयोगी मध्यरातमा वडाध्यक्षको घर र गोठ खरानी बिकृतिबिरुद्धको सन्देश बाँड्दै होली मिलन समारोह आर्थिक मन्दीका बीच परम्परा धान्दै मारवाडी समुदाय सर्लाहीमा एम्बुलेन्सको ठक्करबाट १ को मृत्यु, २ जना घाइते बालिकामाथि यौन दुर्व्यवहारको आरोपमा सशस्त्रका सई पक्राउ यो वर्ष एसईईमा ५ लाख २२ हजार परीक्षार्थी स्याङ्जामा कुकुरको बन्ध्याकरण अभियान उपप्रमुख डंगोलको अध्यक्षतामा फार्मेसी सञ्चालन व्यवस्थापन समितिको बैठक