इलाम । नमोबुद्ध युथ क्लब सप्तरीले पाँचथर गोल्डकप फुटबल प्रतियोगिताको च्याम्पियन बनेको छ । ए डिभिजन मच्छिन्द्र क्लबलाइ १-० ले हराउदै नमोबुद्ध युथ क्लब च्याम्पियन बनेको हो । पाँचथर गोल्डकपमा दोश्रो पटक सहभागि नमोबुद्ध च्याम्पियन बन्न सफल भएको हो । नमोबुद्धको जितमा बिदेशी खेलाडी एलेक्सले एक गोल गरे ।

खेलको ७३ औं मिनेटमा एलेक्सले गरेको गोलनै खेलको निर्णयक गोल बन्यो । एलेक्सले पेलान्टी एरीयाबाट चलाखीपूर्ण रुपमा गोल गर्न सफल भएका थिए । नमोबुद्धले क्वाटरफाइन, सेमीफाइनल र फाइनल सबैमा ए डिभिजन क्लबहरुलाई हराउदै च्याम्पियन भयो । च्याम्पियन नमोबुद्धले ११ लाख रुपैयाँ प्राप्त गरेको छ । पहिलो पटक च्याम्पियन बन्ने लक्ष्य राखेको मच्छिन्द्रले उपविजेता बन्दै ५ लाख ५५ हजारमा चित्त बुझाउन बाध्य भयो ।

पहिलोपटक उपाधि जित्ने लक्ष्यसहित मैदान उत्रिएको ए डिभिजन मच्छिन्द्रकाे फाइनल साेचे जस्ताे बन्न सकेन । खेलमा मच्छिन्द्रले केही अवसर बनाए पनि सदुपयोग गर्न सकेन । १८औं मिनेटमा मच्छिन्द्रका इष्टोफिन गोल गर्न चुके । पहिलो हाफको इन्जुरी समयमा देबेन्द्रको प्रहार नमोबुद्धका कप्तान गाेल रक्षक जयरतन शेखले पञ्च गरे । खेलको ८१औं मिनेटमा मच्छिन्द्रका विदेशी खेलाडी युसुफ मलिसिखको प्रहार गोलकिपर जयरतन शेखले पञ्च गर्दै क्लिन सिट राख्न सफल भए ।

खेलको प्लेयर अफ द म्याच बिजेता टिम नमोबुद्धका निर्मल घिसिङ भए । उनले नगद ७ हजार ५ सष् रुपैंयाँ पुरस्कार पाए । फागुन २४ गतेदेखि सुरु भएको पाँचौ पाँचथर गोल्डकपमा नेपालका ए डिभिजनसहित ८ टिमको सहभागिता रहेको थियो ।

विधागत पुरस्कारमा पनि नमोबुद्धकै बर्चस्व रह्यो । नमोबुद्ध जयरतन शेख उत्कृष्ट गोलकिपर, उत्कृष्ट डिफेण्डर मच्छिन्द्रका देबेन्द्र तामाङ, उत्कृष्ट मिडफिल्ड नमोबुद्धका बिकेक राई भए । उच्च गोलकर्ता चर्च ब्वाइजका राज भुसाल र नमोबुद्धका एलेक्स भए । उनिहरु दुबैले प्रतियोगितामा ३ गोल गरेका थिए । यस्तै, उत्कृष्ट प्रशिक्षक नमोबुद्ध धनकुमार तामाङ भए । उत्कृष्ट सबैले समान नगद १० हजार पुरस्कार पाए । उदियमान खेलाडी पाँचथर क्लबका निरज लिङदेन भए भने गोल्डकपको उत्कृष्ट खेलाडी नमोबुद्धका दिपेश चाम्लीङ घाेषित हुँदै नगद १५ हजार पुरस्कार पाए ।

सम्बन्धित समाचार

कपिलवस्तु (तिलौराकोट) गोल्डकप : जोङ्ग्री एफसी सिक्किम पराजित डिफेन्डिङ च्याम्पियन आर्मीसँग स्तब्ध केपी ओलीकपको उपाधि तेस्रोपटक मच्छिन्द्रलाई कपिलवस्तु (तिलौराकोट) गोल्डकप : उपाधिका लागि थ्रीस्टार र मच्छिन्द्र भिड्ने महिला गोल्डकपः आयोजक ओएसिस क्लबले आर्मीको सामना गर्दै आयोजकलाई हराउँदै आर्मी फाइनलमा कपिलवस्तु (तिलौराकोट) गोल्डकपको उपाधि मच्छिन्द्रलाई मच्छिन्द्र र पुलिसको दावी ‘वीरगन्ज गोल्डकप उपाधी’ दोस्रो महिला गोल्ड कपको उपाधि एपिएफलाई वडा नं. ७ सुन्दरबजार च्याम्पियन बन्यो विराट गोल्ड कपको उपाधि थ्री स्टार क्लबलाई