स्याङ्जा । कालीगण्डकी गाउँपालिका स्थित मिर्मि बहुमुखी क्याम्पसको स्ववियु निर्वाचनलाई लिएर क्याम्पस संचालक समितिले पदबाट राजीनामा दिएका छन् । सञ्चालक समितिका १२ जना सदस्यहरूले सामूहिक रुपमा क्याम्पस प्रमुख समक्ष राजीनामा पेश गरेका छन् । सहमतिकै आधारमा स्वतन्त्र विद्यार्थी युनियनको निर्वाचन सम्पन्न गर्ने सहमति अनुसार क्याम्पस प्रशासन र निर्वाचन समितिले एकपक्षिय रुपमा उमेदवार दर्ता गर्ने काम गरेको भन्दै १२ जना संचालक समितिले राजीनामा दिएका हुन् । नेपाली काँग्रेस, नेकपा एमाले र माओवादी सहितको संयुक्त बैठक बसेर स्ववियू निर्वाचन सम्पन्न गर्ने सहमति भएको थियो ।

सहमतिय प्रणालीलाई तोड्दै नेकपा एमालेका जिल्ला अध्यक्ष सुर्यप्रसाद गैह्रे (पारस)ले मिर्मि बहुमुखी क्याम्पसमा निर्विरोध निर्वाचित भएको घोषणा गर्दै सामाजिक संजालमा बधाई दिएपछि संचालक समितिमा विवाद भएको हो । निर्वाचन समितिले निर्वाचन प्रक्रिया नै पुरा नगरी जिल्ला अध्यक्षबाट घोषणा गरिनुले स्ववियू निर्वाचन एकपक्षिय रुपबाट टुङ्ग्याउन खोजिएको उनीहरुले दिएकोे राजीनामा पत्रमा आरोप लगाउदै उल्लेख गरेका छन् । अध्यक्ष गैह्रेले चारदिन अगाडी स्ववियू सभापति मुना न्यौपाने सहित प्यानलाई सामाजिक संजाल मार्फत बधाई दिएका थिए ।

१२ जना संचालक समितिले राजीनामा पत्रमा उल्लेख गर्दै भनेका छन्,‘क्याम्पसमा सञ्चालक समितिले स्ववियु निर्वाचन प्रक्रिया’bout छलफल गर्दै आम सहमतिका आधारमा निर्वाचन प्रक्रिया टुङ्गोमा पुर्याउने निर्णय गरेको थियो । यस निर्णयअनुसार, आवश्यक निर्वाचन अधिकारीहरुको चयन पनि सर्वसम्मत रुपमा गरिएको थियो ।’ तर, जब निर्वाचन प्रक्रिया अगाडी बढ्यो क्याम्पसको स्वायत्तता र निष्पक्षता माथि प्रश्न उठाउने घटनाहरु सार्वजनिक भए । सहमतिका प्रत्येक बुँदालाई तोड्दै, क्याम्पसमा एकपक्षीय निर्णयहरु लिइएको र नेकपा एमालेको प्रभाव बढाउने प्रयास गरिएको भन्दै राजीनामा पेश गरिएको उल्लेख गरिएको छ । नेकपा एमाले जिल्ला अध्यक्षमार्फत परिणामको घोषणा गरिएको विषयको विरोध गर्दै उनीहरुले स्पष्ट पारेका छन् कि उक्त निर्णय र प्रक्रिया क्याम्पसको स्वायत्तता र निष्पक्षता माथि गम्भीर प्रश्न उठाउने गरी गरिएको छ । यसले क्याम्पसको शिक्षा र व्यवस्थापनको मूलभूत सिद्धान्तमा पनि असर पुर्याउने खतरा बढाएको उल्लेख गरेका छन् ।

एमाले जिल्ला अध्यक्ष गैह्रेले सामाजिक संजाल मार्फत मिर्मि क्याम्पसको स्ववियू सभापतिलाई खादा लगाएर बधाई दिएपछि बिभिन्न मिडियाले खबर सार्वजनिक गरेका थिए । क्याम्पस प्रमुख रामप्रसाद पाण्डेले उक्त खबरलाई खण्डन गर्दै कुनै सत्यता नभएको बताएका थिए । क्याम्पसको अवस्था निकै नाजुक रहेकाले दुवै संगठनलाई मिलाएर लैजानुपर्ने पक्षमा क्याम्पस प्रशासन रहदा रहदै सामाजिक संजाल मार्फत हल्ला फैलाईदिदा विवाद बढेको क्याम्पस प्रमुख पाण्डेको भनाई छ ।

यता स्ववियू निर्वाचन समितिका संयोजक भिमप्रसाद श्रेष्ठले निर्वाचन प्रक्रियामा उमेदवारी दर्ता मात्रै गरेको तर अन्य प्रक्रिया अगाडी नवढाइएको बताएका छन् । सहमतिका लागि एउटा समिति निर्माण गरिएको छ उनले भने,‘समितिले जे निर्णय गर्छ सोही बमोजिमको परिणाम हुनेछ ।’ स्ववियू सभापति सहित सबै निरर्विरोध भएको भन्न नमिल्ने उनले बताए । क्याम्पसको बृहत्तर विकासका लागि सबै मिलेर जानुपर्नेमा क्याम्पस प्रशासनले बेलैमा ध्यान नदिदा क्याम्पसको प्रशासनिक र सुधारका बिषय संकटमा पर्ने देखिन्छ ।

चैत्र ५ गते स्याङ्जाका ७ ओटा बहुमुखी क्याम्पसमा निर्वाचन हुदैछ । १९ ओटा बहुमुखी क्याम्पस मध्ये १२ ओटा क्याम्पसमा स्ववियू गठन नहुने बताइएको छ । निर्वाचन हुने क्याम्पसहरुमा मिर्मि बहुमुखी क्याम्पस बाहेक अन्यमा अहिले सम्म विवाद देखिएको छैन ।

सम्बन्धित समाचार

फोनिज गण्डकीमा खिमा प्रधानमन्त्री ओलीलाई ‘हिटलर’ भन्ने पत्रकारको संसद पास निलम्बन प्रधानमन्त्री ओली आज दिनभर सुर्खेतमा पूर्वराजा ज्ञानेन्द्रको स्वागत गर्न राप्रपा बागमति प्रदेश समितिको तयारी पूरा अखिल (क्रान्तिकारी) द्वारा धुर्कोट क्याम्पसमा तालाबन्दी राजाको पक्षमा जुलुस गर्ने राप्रपालाई बालेनले लगाए १ लाख जरिवाना ‘लोकतन्त्रको विकल्प राजतन्त्र हुन सक्दैन’ उपप्रमुख डंगोल र सासाकीबीच भेटवार्ता कति छ ओली, देउवा र प्रचण्डको सम्पत्ति ? अग्नि सापकोटाविरुद्धको मुद्दा फेरि शून्यबाट सुनुवाइ सुरु बालिका करणी गरेको अभियोगमा पर्वतमा एक पक्राउ