बारा । कलैयामा अवकाश प्राप्त शिक्षिकाद्वारा साइकल र स्टेशनरी वितरण गरेका छन । नेपाल राष्ट्रिय आधारभूत विद्यालय, सितलपुरकी सहायक प्रधानाध्यापक तथा अवकाश प्राप्त शिक्षिका सुधा देवीले साइकल र स्टेशनरी वितरण गरेकी हुन ।

एक कार्यक्रमको आयोजना गरी एक गरिब तथा जेहेन्दार छात्रालाई साइकलको साथै २ सय ५० जना विद्यार्थीलाई स्टेशनरी सामग्री वितरण गरेकी हुन । नेपाल राष्ट्रिय आधारभूत विद्यालय, सितलपुरमा आयोजित कार्यक्रममा कक्षा ८ उत्तीर्ण गरेकी छात्रा मुना कुमारीलाई माध्यमिक तहसम्म अध्ययन सहज होस् भन्ने उद्देश्यले सुधा देवीले आफ्नै खर्चमा साइकल उपलब्ध गराएकी छिन ।

यसले छात्रालाई विद्यालय आवत–जावतमा सहजता हुनुका साथै पढाइ प्रति थप उत्साह मिल्ने अपेक्षा गरिएको छ । त्यस्तै बालविकास कक्षा देखि कक्षा ८ सम्म अध्ययनरत करिब २ सयन५० जना विद्यार्थीलाई कापी, कलम, पेन्सिल, रेजर लगायतका स्टेशनरी सामग्री पनि आफ्नै खर्चमा वितरण गरेकी हुन ।

सुधा देवीले हरेक वर्ष एक जना विद्यार्थीलाई साइकल तथा अन्य विद्यार्थीहरूलाई आवश्यक स्टेशनरी सामग्री सहयोग गर्दै आएकी छिन ।

विद्यालय व्यवस्थापन समितिका सदस्य बाबुराम कानु र नितेश प्रसाद कुशवाहाले सामाजिक योगदानको कदर गर्दै विद्यालयले सुधा देवी र श्रीमान् सुरेन्द्र बहादुर जिसीलाई संयुक्त रुपमा दोसल्ला ओढाएर सम्मान गरेका थिए ।

कार्यक्रम विद्यालयका प्रधानाध्यापक राजकिशोर सहनीको अध्यक्षतामा सम्पन्न भएको थियो । कार्यक्रममा प्रमुख अतिथिका रूपमा सुधा देवी तथा उहाँका श्रीमान् सुरेन्द्र बहादुर जिसीको उपस्थिति रहेको थियो भने कार्यक्रम सञ्चालन हरिकिशोर मिश्रले गरेका थिए ।

सम्बन्धित समाचार

भू–सतहको पानी ‘रिचार्ज’मा पर्सागढीको ‘उदाहरणीय ड्याम’ महोत्तरीमा मोटरसाइकल ठोक्किएर आगो लाग्दा तीन विद्यार्थीको जलेर मृत्यु पूर्व सांसद यादवले गरे चुनावी खर्च विवरण सार्वजनिक धार्मिक पर्यटनको गन्तव्य महाराजाथान पालिकामा बजेट बढाउन तुरहाको माग एमालेबाट निर्वाचित मेयर साह आजपा प्रवेश मिथिलामा आज सतुवाइन पर्व मनाइँदै ज्यानमार्ने उद्योगमा ठूला उन्काउने त्रासः पीडित