काठमाडौं । नेपाली कांग्रेसका युवा नेता भुपेन्द्रजंग शाहीले क्रियाशील सदस्यता नवीकरण गरिसकेका सबै सदस्यलाई स्वतः अद्यावधिक गरी पार्टीको १५औँ महाधिवेशनमा सहभागी हुने व्यवस्था गर्न माग गरेका छन्।
शाहीले नवीकरण भइसकेका क्रियाशील सदस्यताको पुनः अद्यावधिकका नाममा खारेज गर्ने निर्णय पार्टी हितविपरीत हुने बताउँदै आएका छन्। उनका अनुसार यस्तो निर्णयले पार्टीमा लामो समयदेखि योगदान दिएका नेता–कार्यकर्तामाथि अन्याय हुनुका साथै समग्र कांग्रेसलाई कमजोर बनाउने अवस्था सिर्जना गर्छ।
उनले विगतदेखि नै नवीकरण गरिसकेका सदस्यतालाई मान्यता दिई सबैलाई महाधिवेशनमा सहभागी गराउनुपर्ने आफ्नो पक्ष रहेको उल्लेख गरेका छन्। पार्टीभित्र देखिएको मनमुटाव र गहिरिँदो विभाजनका बीच अद्यावधिकसम्बन्धी निर्णय खारेज गर्ने पछिल्लो कदमलाई भने उनले सकारात्मक रूपमा लिएका छन्।
‘ढिलै भए पनि गल्ती स्वीकारेर अद्यावधिक गर्नैपर्ने निर्णय खारेज गर्नु सकारात्मक कदम हो,’ शाहीले भनेका छन्।
शाहीले अब बाँकी रहेका असहमतिका विषयमा समेत सबै पक्षले घमण्ड र अहंकार त्यागेर लचकता अपनाउनुपर्नेमा जोड दिएका छन्। पार्टी एकतालाई प्राथमिकतामा राख्दै गम्भीर पहल गर्न र १५औँ महाधिवेशनमा सबै पक्षको सहभागिता तथा निष्पक्षता सुनिश्चित गर्न उनले नेतृत्वसँग आग्रह गरेका छन्।
सम्बन्धित समाचार
उद्धार तयारीका लागि गृहमन्त्री सुधन गुरुङ विमानस्थलमा
बाढीपहिरो पीडितको उद्धारमा राज्यको सम्पूर्ण सामर्थ्य लगाउन रास्वपा सभापति लामिछानेको आग्रह
उद्धारका लागि राज्यको सम्पूर्ण संयन्त्र परिचालित छन् : प्रधानमन्त्री शाह
प्रभावित क्षेत्रमा पुनर्निर्माणको महाअभियान चलाउँछौँः अर्थमन्त्री वाग्ले
चिनियाँ प्रधानमन्त्री ली छियाङ तिब्बतको सीमावर्ती क्षेत्र केरुङ आइपुगे
सांसद आशिका तामाङ र वडाध्यक्षबीच किन भयो भनाभन ?
प्रधानमन्त्री शाह सुरक्षा प्रमुखसँग ‘ब्रिफिङ’ लिँदै
बाढी प्रभावित क्षेत्रमा पुगे राष्ट्रपति पौडेल
