काठमाडौं । एसियन गेम्स प्रतियोगिताअन्तर्गत पुरुष क्रिकेटमा नेपालले अफगानिस्तानलाई ५ विकेटले पराजित गरेको छ ।

जापानको निशिनस्थित कोरोगी स्पोट्र्स पार्कमा टस जितेर ब्याटिङमा उत्रिएको अफगानिस्तानले नेपाललाई २० ओभरमा ७ विकेट गुमाएर १०२ रनको लक्ष्य दिएको थियो । नेपालले १७.२ ओभरमा ५ विकेट गुमाएर १०३ रनको लक्ष्य पूरा गरेको थियो ।

यो खेलमा सन्दीप जोराले सर्वाधिक ३४ रन बनाउँदा रोहित पौडेल ३३ रनमा नटआउट रहे । यस्तै, दीपेन्द्रसिंह ऐरीले १५ रन बनाएका थिए ।

उता, अफगानिस्तानका लागि फैसल खान अहमदजाइ र नाजिबुल्लाह जाद्रनले ३०–३० रन जोड्दा नान्गेलिया खान १७ रनमा अविजित रहे । यीबाहेक अन्य ब्याट्सम्यानले दोहोरो अंकमा रन बनाउन सकेनन् ।

बलिङतर्फ नेपालका कुशल भुर्तेलले चार तथा ललित राजवंशीले तीन विकेट लिए ।

समूह ‘ए’ मा रहेको नेपालको यो पहिलो खेल हो । नेपालले भोलि बिहान पौने ६ बजे जापानसँग खेल्ने छ । नेपालले भोलि जापानलाई पराजित गरे श्रीलंकासँग र जापानसँग हारे भारतसँग अर्काे खेल खेल्नेछ ।

पुरुष क्रिकेटमा १० टोली सहभागी छन् । भारत, पाकिस्तान, बंगलादेश र श्रीलंकालाई सीधै क्वाटरफाइनलमा राखिएको छ । समूह ‘बी’ मा मलेसिया, हङकङ र ओमान रहेका छन् ।

सम्बन्धित समाचार

मकाउका खेलाडीलाई हराउँदै खगेन्द्र एसियाली खेलकुदको अन्तिम १६ मा प्रवेश भोटेकोशी बाढी : फर्किने आशा मरेपछि इन्जिनियर दम्पती र छोराछोरीसहित चारै जनाको अन्तिम संस्कार अर्थमन्त्री वाग्लेको मानवीय मामिला सल्लाहकारमा पराजुली नियुक्त मोटरसाइकलको ठक्करबाट सुर्खेतमा एक जनाको मृत्यु एउटै खेलमा कप्तान लामिछानेको नाममा तीन उपलब्धि भारतले नेपाललाई दैनिक ६५४ मेगावाट विद्युत् दिने अमरेशकुमारको अभिव्यक्तिवारे कांग्रेस सांसदले मागे सरकारको जवाफ सुत्केरी बिदा बढाएर ६ महिना पुर्‍याउने सरकारको तयारी