धनगढी । सुदूरपश्चिम प्रदेशमा एक महिनाको अवधिमा १५४ जना मानिस हराएका छन् । हराएकामध्ये १०३ जना फेला परेको सुदूरपश्चिम प्रदेश प्रहरी कार्यालयले जनाएको छ ।

सुदूरपश्चिम प्रदेश प्रहरी कार्यालय धनगढीका प्रवक्ता प्रहरी वरिष्ठ उपरीक्षक पदमबहादुर बिष्टका अनुसार हराउनेमा ६७ महिला, २६ पुरुष, १३ बालक, ४२ बालिका र ६ ज्येष्ठ नागरिक छन् । त्यस्तै, फेला पर्नेमा ४३ महिला, १७ पुरुष, १२ बालक, २८ बालिका र तीन ज्येष्ठ नागरिक रहेका छन् ।

त्यस्तै, भदौ महिनामा सुदूरपश्चिम प्रदेशमा २२५ वटा सवारी दुर्घटना भएका छन् । दुर्घटनामा परी १५ जनाको मृत्यु भएको छ भने ३८० जना घाइते भएका छन् । दुर्घटनामा ३०५ वटा सवारीसाधन संलग्न रहेको प्रहरीले जनाएको छ ।

प्रहरीका अनुसार दुर्घटनामध्ये १८० वटा चालकको लापरबाहीका कारण भएका छन् । तीनवटा दुर्घटना सवारीसाधनको कारण, नौवटा मादक पदार्थ सेवन, एउटा यात्रु, १७ वटा पैदलयात्री, एउटा मौसम र १४ वटा चौपायाका कारण भएका छन् ।

एक महिनाको अवधिमा ट्राफिक नियम उल्लंघन गर्ने ३ हजार ९४३ जना सवारी चालकलाई कारबाही गरिएको छ । उनीहरूबाट ३२ लाख २० हजार ५ सय रुपैयाँ जरिवाना असुल भएको प्रहरीले जनाएको छ ।

त्यस्तै, राजस्व चुहावट तथा भन्सार छली नियन्त्रण अभियानअन्तर्गत १ करोड ८२ लाख ९ हजार ३९३ रुपैयाँ बराबरका भन्सार छलीका सामान बरामद गरिएको छ । भन्सार छलीमा संलग्न १६ जनालाई नियन्त्रणमा लिइएको प्रहरीले जनाएको छ ।

सम्बन्धित समाचार

सुदूरपश्चिममा जडीबुटीः न प्रशोधन केन्द्र, न त औषधि उद्योग नै आफ्नो गाउँ सफा गर्न आफैँ जुटे युवा कोल्टी–मार्तडी सडकमा जहिल्यै सास्ती बजेट शून्यतासँगै प्रदेश सभा पनि शून्य धनगढी उपमहानगरले १२ वटा वडाका किसानलाई गहुँको उन्नत बीउमा ५० प्रतिशत अनुदान दिने सुदूरपश्चिममा असोज संक्रान्तिलाई बुढी पोल्ने पर्वको रूपमा मनाइँदै १०८ फिटे शिवलिंगमुनि हुर्कँदै कल्पवृक्ष कुकुरको मासु बिक्री गरेको आरोपमा कैलालीमा एक जना पक्राउ