सप्तरी । जनचेतना अभियान नेपालले पारदर्शिता, जवाफदेहिता र सुशासनका लागि सामाजिक परीक्षण कार्यक्रम आयोजना गरी संस्थाको आय–व्यय तथा वार्षिक गतिविधि समेत सार्वजनिक गरेको छ ।

बुधबार सप्तरीको हनुमाननगर कंकालिनी नगरपालिकामा एक कार्यक्रमको आयोजना गरि संस्थाले आय–व्यय तथा वार्षिक गतिविधि सार्वजनिक गरेको हो ।

कार्यक्रममा संस्थाका कार्यक्रम संयोजक अभिषेक कर्णले संस्थाको आर्थिक कारोबार र सञ्चालन गरिएका विभिन्न गतिविधि समेटिएको प्रतिवेदन प्रस्तुत गरेका छन् ।

प्रस्तुत प्रतिवेदनमा संस्थाको कुल आय चार करोड ९४ लाख ३३ हजार ४४ रुपैयाँ रहेको छ भने चार करोड १४ लाख ३४ हजार ९६ रुपैयाँ खर्च भएको छ । त्यसैगरी, संस्थाको मौज्दात ७९ लाख ९८ हजार नौसय ४७ रुपैयाँ रहेको वार्षिक प्रतिवेदनमा उल्लेख छ ।

कार्यक्रमका प्रमुख अतिथि सप्तकोशी नगरपालिकाका प्रमुख कृष्णप्रसाद सापकोटाले सुशासन र पारदर्शिता कायम भए–नभएको विषय सामाजिक परीक्षणबाट स्पष्ट हुने बताए ।

उनले संस्थाले सञ्चालन गरेका गतिविधि लक्षित लाभग्राहीसम्म पुगेका छन् कि छैनन् भन्ने मूल्याङ्कन गर्ने महत्वपूर्ण आधार सामाजिक परीक्षण नै भएको स्पष्ट पारे ।

जनचेतना अभियान नेपालले सञ्चालन गरेका गतिविधि सन्तोषजनक रहेको उल्लेख गर्दै सरकारबाट मात्रै सबै काम सम्भव नहुने भएकाले सामाजिक विकासका क्षेत्रमा गैरसरकारी संस्थाहरुले पनि महत्वपूर्ण भूमिका निर्वाह गर्नुपर्नेमा उनले जोड दिए । सामाजिक परीक्षण कार्यक्रम आयोजना गरेकोमा उनले संस्थालाई धन्यवाद समेत दिए ।

कार्यक्रममा पत्रकार विनय कर्णले संस्थाले गरेका कामकारबाही ’bout समुदायलाई जानकारी गराउने उद्देश्यले सामाजिक परीक्षण गर्नु सराहनीय कार्य भएको बताए । सामाजिक परीक्षणले संस्थालाई थप पारदर्शी र जवाफदेही बनाउन सहयोग पुग्ने उनको भनाइ थियो ।

यसैगरी, तिलाठी कोइलाडी गाउँपालिकाका विपद् व्यवस्थापन शाखा प्रमुख राजेश झा, संस्थाका कानुनी सल्लाहकार सतिश कुमार दत्त, हनुमाननगर कंकालिनी नगरपालिका ८ का वडाध्यक्ष अजय यादव र वडा नम्बर १३ का वडाध्यक्ष कुशेश्वर यादव लगायतकाले सामाजिक परीक्षणको महत्व’bout धारणा राखेका थिए ।

जनचेतना अभियान नेपालका अध्यक्ष तरुणकुमार साहको अध्यक्षतामा सम्पन्न कार्यक्रममा संस्थाका गतिविधि, आर्थिक पारदर्शिता र सामाजिक उत्तरदायित्वका विषयमा छलफल गरिएको थियो ।

सम्बन्धित समाचार

पचास वर्षदेखि तरकारी तथा फलफूल व्यवसायीद्वारा निरन्तर अष्टयाम गोलबजार झडप : वडाध्यक्ष सोहेव अनवर पक्राउ गोलबजारका तत्कालीन मेयर साहसहित ७ जनाविरुद्ध भ्रष्टाचार मुद्दा बकैया नदीमा ‘जियोब्याग’ तटबन्धले दर्जनौँ गाउँ डुबानबाट सुरक्षित बिस्कोको सकृयता तीन दशक नजिक फेटा घटनाप्रति आजपा मधेश प्रदेशको गम्भीर ध्यानाकर्षण करेन्ट लागेर एक जनाको मृत्यु, एक जना घाइते मालपोतका नायब सुब्बा एक लाख घुससहित अख्तियारको नियन्त्रणमा