काठमाडौं । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीले दायर गरेको रिट निवेदनमाथि आज बुधबार प्रारम्भिक सुनुवाइ गर्ने भएको छ । एक न्यायाधीशको इजलासमा आज कार्कीको निवेदनमाथि प्रारम्भिक सुनुवाइ हुनेछ ।
आफूलाई आईजीपीबाट हटाएर प्रधानमन्त्रीको विशेष सुरक्षा सल्लाहकार पदमा खटाउने मन्त्रीपरिषद् निर्णय बदर गर्न र मनोज केसीलाई आईजीपीको हैसियतमा कुनै कामकारबाही गर्न नदिन अन्तरिम आदेशको माग गर्दै कात्तिक २० गते उनले रिट दर्ता गरेका थिए । सर्वाेच्चले कात्तिक ३० गतेलाई पेसी तोकेको थियो । तर सरकारले कात्तिक ३० गते छठको बिदा दिएपछि अदालत बन्द हुँदा सुनुवाइ हुन सकेको थिएन ।
आफ्नो कार्यकाल बाँकी रहँदै गैरकानुनी रूपमा हटाइएको दाबी कार्कीले रिटमा गरेका छन् । प्राकृतिक न्यायको सिद्धान्तविपरीत आफूलाई स्पष्टीकरण दिने अवसरसमेत नदिई सरकारले आफूलाई हटाएको दाबी पनि रिटमा गरिएको छ ।
सुविधा सन्तुलन र सार्वजनिक हितका दृष्टिले कानुनबमोजिम नियुक्त प्रहरी महानिरीक्षकलाई पूर्ववत् पदमा कायम राख्दा प्रत्यर्थीहरूलाई कुनै कानुनी हानि नहुने जिकिर रिटमा छ । बरु दुई प्रहरी महानिरीक्षकस्तरका पदाधिकारी रहँदा आदेश शृंखलामा उत्पन्न हुने अन्योल अन्त्य गरी प्रहरी संगठनको स्थिरता कायम गर्नुपर्नेमा जोड निवेदकको छ ।
सम्बन्धित समाचार
आईजीपी कार्की हटाइए, नयाँ आईजीपीमा डा. मनोज केसी नियुक्त
सुरक्षा अवस्था’bout सुरक्षा निकायका प्रमुखहरूसँग प्रधानमन्त्रीले लिए ब्रिफिङ
आज काग तिहार पर्व मनाइँदै, यस्तो छ शास्त्रीय मान्यता
रुकुमपश्चिममा जिप दुर्घटना : दुई जनाको मृत्यु, १३ घाइते
भाइटीकामा करिब २५ सय यात्रुलाई सशस्त्र प्रहरीको निःशुल्क बस सेवा
आज अस्ताउँदो सूर्यलाई अर्घ्य दिएर छठ मनाइँदै
उदाउँदो सूर्यलाई अर्घ्य दिँदै छठ पर्व सम्पन्न
देशका विभिन्न भागबाट लागुऔषधसहित २१ जना पक्राउ






