काठमाडौँ । जिल्ला अदालत ललितपुरले अखिल नेपाल फुटबल संघ (एन्फा)का कोषाध्यक्ष रवीन्द्र जोशी र लेखापाल सञ्जीव पाण्डेलाई थप चार दिन हिरासतमा राखेर अनुसन्धान गर्न अनुमति दिएको छ ।

जिल्ला न्यायाधीश भगवती शर्मा ढुंगानाको इजलासले अनुसन्धानका लागि दुवै जनालाई थप चार दिन हिरासतमा राख्न अनुमति दिएको अदालतका सूचना अधिकारी टीकाध्वज कार्कीले जानकारी दिए ।

नेपाल प्रहरीको केन्द्रीय अनुसन्धान ब्युरो (सीआईबी)ले शुक्रबार एन्फाको सातदोबाटोस्थित मुख्यालयमा छापा मारेर जोशी र पाण्डेलाई पक्राउ गरेको थियो ।

पक्राउपछि प्रारम्भिक अनुसन्धानका लागि हिरासतमा राखिएका उनीहरूलाई थप अनुसन्धान अघि बढाउन सीआईबीले अदालतबाट म्याद थपको अनुमति मागेको थियो । अदालतको अनुमतिसँगै सीआईबीले एन्फासम्बन्धी विषयमा अनुसन्धानलाई थप अघि बढाउने भएको छ ।

सम्बन्धित समाचार

नेपाल एसीसी प्रिमियर कपको सेमिफाइनलमा ईसेवाले पायो एनपीएलको टिकट बेच्ने अधिकार एसिसी प्रिमियर कप : नेपाल हङकङसँग १५ रनले पराजित एसिसी प्रिमियर कपः नेपाल ओमानसँग खेल्दै एउटै खेलमा कप्तान लामिछानेको नाममा तीन उपलब्धि ओलम्पियाडमा नेपाली बुद्धिचाल खेलाडीको परीक्षा नेपाली प्राविधिक एसियाडका लागि जापान जाँदै गोरखा ११ लाई एनआरएनए टी–१० क्रिकेटको उपाधि