काठमाडौं । नेपाल प्रिमियर लिग (एनपीएल) अन्तर्गत विराटनगर किंग्सले जनकपुर बोल्ट्सलाई २ रनले पराजित गरेको छ । विराटनगरले दिएको १ सय ७५ रनको लक्ष्य पछ्याएको जनकपुरले निर्धारित २० ओभरमा ७ विकेट गुमाएर १ सय ७२ रन मात्र बनाउन सक्यो ।

जनकपुरका लागि सैफ हसनले सर्वाधिक ७१ रन बनाए । उनले ४८ बलमा २ चौका र ५ छक्का प्रहार गरे । विशाल सुशलिङले ३० बलमा २ चौका र ३ छक्कासहित ४३ रन बनाए । जेम्स निसमले १५ बलमा ३ छक्काको मद्दतमा २७ रन जोडे ।

मोइन अलीले १४ बलमा १० र त्रितराज दासले ९ बलमा ६ रन बनाए । अभिषेक तिवारी ५ रनमा अविजित रहे । जनकपुरलाई लक्ष्यमा पुग्न नदिन विराटनगरका आन्द्रे रसेलले ४ विकेट लिए । उनले ४ ओभरमा ४५ रन खर्चिए । एन्जेलो म्याथ्युजले २ तथा रुपेश सिंहले १ विकेट लिए ।

यसअघि टस हारेर पहिले ब्याटिङ गरेको विराटनगरले २० ओभरमा ३ विकेट गुमाएर १ सय ७४ रन बनाएको थियो । विराटनगरका लोकेश बमले ५०, इमरान शेखले ५६ र आन्द्रे रसेलले अविजित ५२ रन बनाएका थिए ।

सम्बन्धित समाचार

एनपीएलका सबै खेलमा डीआरएस लागू हुने आईसीसी विश्वकप छनोट प्लेअफ प्रतियोगिता नेपालमा आयोजना हुने एनपीएलको नयाँ उडान: नेपाली क्रिकेटले खोजेको व्यावसायिक भविष्य दुर्लभ एकसिंगे गैँडा संरक्षणमा योगदान गर्दै ‘चितवन राइनोज’ श्रीलंकाका परेराले जनकपुर बोल्ट्सबाट एनपीएल खेल्ने चितवनसँग सन्दीप लामिछाने नेतृत्वको विराटनगर पराजित एनपीएल ३ : आज पोखरा एभेन्जर्स र सुदूरपश्चिम रोयल्स आमनेसामने कर्णालीमाथि काठमाडौं गोर्खाजको शानदार जीत