काठमाडौं । नेपाल प्रिमियर लिग (एनपीएल)को आजको खेलमा काठमाडौं गोर्खाजले कर्णाली याक्सलाई ४ विकेटले पराजित गरेको छ ।

कीर्तिपुरस्थित टीयू अन्तर्राष्ट्रिय क्रिकेट मैदानमा भएको खेलमा काठमाडौंले १८१ रनको लक्ष्य १९.४ ओभरमा ६ विकेट गुमाएर पूरा गरेको हो । पहिले ब्याटिङ गरेको कर्णाली याक्सले निर्धारित २० ओभरमा ६ विकेट गुमाउँदै १८० रन बनाएको थियो ।

जवाफी ब्याटिङमा काठमाडौंले सुरुवातमै डेभिड वार्नर (१६) र स्मित पटेल (९) को विकेट गुमाएको थियो । त्यसपछि राशिद खान र कप्तान करण केसीले आक्रामक ब्याटिङ गर्दै टोलीलाई जिततर्फ अघि बढाए ।

राशिदले ३३ बलमा ५० रन बनाए । उनले ३ चौका र २ छक्का प्रहार गरे । करण केसीले मात्र २० बलमा ४ चौका र ३ छक्काको मद्दतमा ४४ रन बनाए । त्यस्तै जहान्दाद खानले १० बलमा अविजित २२ तथा सन्तोष यादवले ३ बलमा अविजित ५ रन बनाए ।

कर्णालीका लागि सोमपाल कामी, नन्दन यादव, हुसेन तलत, भिम शार्की र अरिफुल इस्लामले समान १ विकेट लिए । यससँगै काठमाडौंले कर्णालीलाई हराउँदै प्रतियोगितामा महत्त्वपूर्ण जित दर्ता गरेको छ ।

त्यसअघि टस हारेर पहिले ब्याटिङ गरेको कर्णालीले सुरुवाती ६ ओभरमा ६५ रन बनाउँदै आक्रामक सुरुवात गरेको थियो । ओपनर अरिफुल इस्लामले २२ बलमा ४४ रन बनाए ।

उनले ५ चौका र ३ छक्का प्रहार गरे । त्यस्तै हुसेन तलतले ३० बलमा ४०, पवन सर्राफले २४ बलमा अविजित ३० तथा गुलशन झाले १२ बलमा २० रन जोडे । मार्क वाटले २० बलमा १७ र कप्तान सोमपाल कामीले अविजित १ रन बनाए ।

काठमाडौंका कप्तान करण केसीले ४ ओभरमा ३५ रन खर्चेर २ विकेट लिए । त्यस्तै शाहाब आलम, जहान्दाद खान, देव शाह र सन्तोष यादवले समान १ विकेट लिए ।

सम्बन्धित समाचार

एनपीएलका सबै खेलमा डीआरएस लागू हुने आईसीसी विश्वकप छनोट प्लेअफ प्रतियोगिता नेपालमा आयोजना हुने एनपीएलको नयाँ उडान: नेपाली क्रिकेटले खोजेको व्यावसायिक भविष्य दुर्लभ एकसिंगे गैँडा संरक्षणमा योगदान गर्दै ‘चितवन राइनोज’ श्रीलंकाका परेराले जनकपुर बोल्ट्सबाट एनपीएल खेल्ने चितवनसँग सन्दीप लामिछाने नेतृत्वको विराटनगर पराजित कर्णालीको विजयी सुरुवात, जनकपुर १९ रनले पराजित एनपीएल ३ : आज पोखरा एभेन्जर्स र सुदूरपश्चिम रोयल्स आमनेसामने