धनगढी । सुदूरपश्चिम प्रदेशमा आर्थिक वर्ष २०८२/०८३ मा सञ्चालित स्वास्थ्य कार्यक्रमको प्रदेशस्तरीय एकीकृत वार्षिक समीक्षा गोष्ठी शुक्रबारदेखि डोटीको राजपुरमा सुरु भएको छ ।
स्वास्थ्य निर्देशनालयको आयोजनामा सुरु भएको गोष्ठी मंसिर ६ गतेसम्म सञ्चालन हुनेछ । गोष्ठीमा प्रदेशका नौवटै जिल्लाका स्वास्थ्य कार्यालय, अस्पताल, आयुर्वेद अस्पताल तथा प्रादेशिक अस्पतालका प्रमुख र प्रतिनिधिको सहभागिता छ । साथै संघीय स्वास्थ्य मन्त्रालय, प्रदेशको सामाजिक विकास मन्त्रालय र विभिन्न दातृ निकायका प्रतिनिधि पनि सहभागी छन् ।
स्वास्थ्य निर्देशनालयका निर्देशक डा. खगेन्द्र बमका अनुसार गोष्ठीमा गत आर्थिक वर्षमा सञ्चालित स्वास्थ्य कार्यक्रमका उपलब्धि, बजेट खर्च, कार्यक्रम कार्यान्वयनको अवस्था र आगामी रणनीति’bout समीक्षा तथा छलफल हुनेछ । स्वास्थ्य प्रवर्द्धनका नीति, अभ्यास, चुनौती र सम्भावना’bout विज्ञ तथा स्वास्थ्यकर्मीले कार्यपत्रसमेत प्रस्तुत गर्नेछन् ।
गोष्ठीको उद्घाटन सत्रमा बोल्ने वक्ताहरूले रोग लागेपछि उपचार गर्नुभन्दा रोग लाग्नै नदिने गरी रोकथाम र स्वास्थ्य प्रवर्द्धनका कार्यक्रमलाई प्राथमिकता दिनुपर्नेमा जोड दिएका छन् । अस्पताल र उपचारात्मक सेवाको विस्तारले मात्रै ‘निरोगी नेपाल’ को लक्ष्य हासिल नहुने भन्दै उनीहरूले स्वस्थ जीवनशैली, स्वास्थ्य शिक्षा र औसत आयु वृद्धि गर्ने कार्यक्रम प्रभावकारी बनाउनुपर्ने बताए ।
स्वास्थ्य प्रवर्द्धनलाई स्वास्थ्यकर्मीको साझा जिम्मेवारीका रूपमा लिनुपर्नेमा पनि वक्ताहरूले जोड दिएका थिए ।
कार्यक्रमका प्रमुख अतिथि जिल्ला समन्वय समिति डोटीका संयोजक लक्ष्मण सिंहले स्वास्थ्य क्षेत्र जनताको जीवनसँग प्रत्यक्ष जोडिएकाले राज्यले यसलाई उच्च प्राथमिकतामा राख्नुपर्ने बताए । सबै नागरिकको स्वास्थ्य सेवामा प्रभावकारी पहुँच सुनिश्चित गर्न सुविधासम्पन्न पूर्वाधार, पर्याप्त बजेट र दक्ष जनशक्तिको व्यवस्थापन आवश्यक रहेको उनको भनाइ थियो ।
गोष्ठीमा सामाजिक विकास मन्त्रालयकी सचिव संगीता ओझा र नेपाल पत्रकार महासंघ सुदूरपश्चिम प्रदेशका अध्यक्ष भरत शाहलगायतले मन्तव्य राखेका थिए ।
सम्बन्धित समाचार
घटनास्थलबाट घरदैलोसम्म पुग्दै प्रहरी
देउवा समूहको सुदूरपश्चिम अधिवेशन मंसिर १५ र १६ गते धनगढीमा
आगलागी नियन्त्रणमा धनगढीको सक्रियता : साढे तीन वर्षमा ५३३ ठाउँमा आगलागी नियन्त्रण
सुदूरपश्चिममा बजेट विवाद कायमै
बनगवाँ आगलागीमा सहयोग गरेको भन्दै मेयर हमाललाई भारतीय व्यापारीको धन्यवाद
बडिकेदार मेलाका लागि धनगढीबाट पाँचवटा निःशुल्क बस, मंसिर ४ सम्म नाम दर्ता गर्न सकिने
सुदूरपश्चिममा एक महिनामै २९८ सवारी दुर्घटना, १३ जनाको मृत्यु
नखाई नलाई जम्मा गरेको बचत डुब्यो, प्रहरी कार्यालय धाउँदै पीडित






