धनगढी । धनगढीस्थित कैलाली बहुमुखी क्याम्पस (केएमसी) मा चालु शैक्षिक सत्र २०८३/८४ देखि स्नातकोत्तर तहमा आमसञ्चार तथा पत्रकारिता विषयको पढाइ सुरु हुने भएको छ ।
सुदूरपश्चिम विश्वविद्यालयको मानविकी तथा सामाजिक शास्त्र संकायअन्तर्गत उक्त विषयको पठनपाठन सञ्चालन गर्न लागिएको हो ।
आइतबार क्याम्पसमा आयोजित पत्रकारहरूसँगको सुझाव संकलन तथा अन्तरक्रिया कार्यक्रममा क्याम्पस प्रमुख सहप्राध्यापक डा. लोकबहादुर विष्टले चालु शैक्षिक सत्रदेखि नै कक्षा सञ्चालन गर्ने तयारी भइरहेको जानकारी दिए ।
विश्वविद्यालयले पाठ्यक्रमको प्रारूप तयार गरिसकेको उल्लेख गर्दै उनले यसलाई थप व्यावहारिक, समयसापेक्ष र सञ्चार क्षेत्रको आवश्यकताअनुकूल बनाउन पत्रकार तथा सरोकारवालासँग सुझाव संकलन गरिएको बताए ।
कार्यक्रममा क्याम्पसको पत्रकारिता विभागका उपप्राध्यापक एवं विषय विज्ञ भुवन भण्डारीले प्रस्तावित पाठ्यक्रमको स्वरूप, विषयवस्तु र मूल्याङ्कन प्रणाली’bout प्रस्तुति दिएका थिए ।

सुदूरपश्चिम विश्वविद्यालयको विषय समितिका संयोजक प्राध्यापक डा. राजेन्द्रवीर चन्दले पाठ्यक्रम निर्माण प्रक्रिया तथा यसको शैक्षिक र व्यावसायिक महत्व’bout जानकारी गराएका थिए ।
त्यस्तै, सहायक क्याम्पस प्रमुख सहप्राध्यापक डा. मोहनसिंह साउदले पत्रकारिता शिक्षालाई समयको माग र श्रमबजारको आवश्यकतासँग जोड्नुपर्नेमा जोड दिए ।
अन्तरक्रियामा सहभागी पत्रकारहरूले पत्रकारिता शिक्षालाई सैद्धान्तिक ज्ञानमा मात्र सीमित नराखी प्रयोगात्मक अभ्यासलाई प्राथमिकता दिन सुझाव दिएका थिए । उनीहरूले बदलिँदो सञ्चार क्षेत्रको आवश्यकताअनुसार डिजिटल पत्रकारिता, मल्टिमिडिया, तथ्य जाँच, खोज तथा अनुसन्धान र समाचार उत्पादनजस्ता विषयलाई पाठ्यक्रममा समेट्नुपर्ने धारणा राखेका थिए ।
क्याम्पसमा लामो समयदेखि स्नातक तहमा पत्रकारिता विषयको अध्यापन हुँदै आएको छ । अब स्नातकोत्तर तहमा समेत पढाइ सुरु हुने भएपछि सुदूरपश्चिममै उच्च शिक्षा हासिल गर्न चाहने विद्यार्थीलाई अवसर थपिने सहभागी पत्रकारहरूले बताएका थिए ।
सम्बन्धित समाचार
धनगढीको दमकलले भारतको वनगाउँ बजारको आगो निभायो, स्थानीयद्वारा प्रशंसा
घटनास्थलबाट घरदैलोसम्म पुग्दै प्रहरी
त्रिविको शैक्षिक गुणस्तर सुधार गर्न सबैमा सेमेस्टर प्रणाली लागू गर्ने तयारी
देउवा समूहको सुदूरपश्चिम अधिवेशन मंसिर १५ र १६ गते धनगढीमा
गहुँ छर्ने बेला कैलालीका किसानलाई मल जुटाउनै सकस
बझाङको बुंगलमा अटो दुर्घटना : तीन जनाको मृत्यु, एक बालक बेपत्ता
बडिकेदार मेलाका लागि धनगढीबाट पाँचवटा निःशुल्क बस, मंसिर ४ सम्म नाम दर्ता गर्न सकिने
पुस १० देखि धनगढीमा तीनदिने खाना महोत्सव, स्थानीय परिकार प्रवर्द्धनमा जोड






