काठमाडौं नेपाल पञ्चाङ्ग निर्णायक विकास समितिले यस वर्षको भाइटीकाको साइत सार्वजनिक गरेको छ ।

यही कात्तिक १८ गते आइतबार बिहान ११:३७ बजे भाइटीकाको साइत शुभ रहेको समितिको आजको बैठकले निर्णय गरेको कार्यकारी निर्देशक सूर्यप्रसाद ढुङ्गेलले राससलाई जानकारी दिए । पश्चिम मोहडा गरेर भाइटीका लगाउनुपर्ने पनि समितिले जनाएको छ । नेवार समुदायले मनाउने किजापूजा पनि त्यसै दिन गर्नुपर्ने जनाइएको छ ।

यस वर्षको यमपञ्चक अर्थात् नेपालीको दोस्रो ठूलो चाड तिहार कात्तिक १३ गते मङ्गलबारदेखि सुरु हुँदैछ । मङ्गलबार धनत्रयोदशी (धनतेरस) पर्व मनाइन्छ । यमदीपदान भने कात्तिक १४ गतेदेखि बुधबार परेको छ । कागतिहार पनि बुधबार नै मनाउनुपर्ने समितिले जनाएको छ । आयुर्वेदका प्रवर्तक धन्वन्तरीजयन्ती पनि बुधबार नै मनाइन्छ ।

कुकुर तिहार, नरक चतुर्दशी, दीपमालिका र लक्ष्मीपूजा पनि कात्तिक १५ गते बिहीबार मनाउनुपर्छ । कात्तिक १६ गते शुक्रबार औँशी परेको छ । त्यस दिन भने तिहारको कुनै पर्व नपरेको समितिले आज जारी गरेको विज्ञप्तिमा उल्लेख छ ।

कात्तिक १७ गते शनिबार गाईगोरु पूजा, गोवर्द्धन पूजा, बलि पूजा, हलीतिहार, म्हपूजा र नेपाल संवत् ११४५ प्रारम्भ पनि परेको छ । यसैगरी कात्तिक २२ गते बिहीबार छठ पर्व परेको पनि समितिले जनाएको छ ।

सम्बन्धित समाचार

दशैको टीका लगाउने र आशीर्वाद लिनेक्रम आज पनि जारी हात्तीको आक्रमणबाट राजकुमारको मृत्यु डडेल्धुरामा रात्रिबस दुर्घटना, मृतक ४ जनाको सनाखत कोजाग्रत पूर्णिमाका गण्डकीमा सार्वजनिक बिदा ‘छायादेवी सेन्टरको जग्गा सार्वजनिक सम्पत्ति हो, पहिलाकै अवस्थामा फर्काउनुपर्छ’ रवि र छवीलाई अदालतमा उपस्थित गराइयो छायादेवी सेन्टर विवाद: सार्वजनिक जग्गामा मोही हक लाग्दैन ‘पूर्वराजा वीरेन्द्रका ज्वाइँ गोरखशमशेर र अम्बिका राणाले प्रधानराज गुठी भनी स्विकारेका छन्, मोही हक लाग्दैन’ खोटाङको कुबिन्डे केन्द्रबिन्दु भएर भूकम्प कपिलवस्तुमा भरुवा बन्दुक देखाई धम्काउने प्रहरी नियन्त्रणमा रवि लामिछानेलाई अदालतमा पुर्‍याइयो ट्रमाका डा.चौधरीको पर्सामा सन्देशमुलक जन्मदिन