काठमाडौं । गत असोज १२ मा रिलिज भएको नेपाली चलचित्र सानो संसारलाई पहिलो गाँसमै ढुँगा परे जस्तै भएको थियो । किनकी यो चलचित्र रिलिज भएको दिनबाटै तिनदिनसम्म लगातार अविरल वर्षा र बाढी पहिरोले मुलुकमा तान्डव मचाएपछि त्यतिबेला दर्शकहरु हलमा जान सकेनन् । त्यसपछि यो चलचित्रको प्रदर्शन स्थगित गरेर रिलिज भएको तेश्रो दिनमा हलबाट हटाईएको थियो ।

यही चलचित्र १० कात्तिकबाट फेरी नेपालका चलचित्र घरमा रिलिज गरियो । तर दोश्रो रिलिजमा पनि यो चलचित्रलाई गाँसमा ढुँगा लागेको जस्तै भएको छ । चलचित्रले निकै कम शो पाएको छ भने ती शोमा पनि दर्शकहरुको उल्लेख्य उपस्थिति छैन ।

यो चलचित्रलाई दुई पटक रिलिजसँगै दुई पटक प्रिमियर पनि गरियो । दुबै प्रिमियरमा सहभागी भएका चलचित्रकर्मी तथा शुभचिन्तकले यो चलचित्रको खुलेर प्रसँसा गरे । चलचित्र राम्रो बनेको दाबीसमेत गरे । तर चलचित्रकर्मीको प्रसँसाले खास्सै महत्व राखेन । अहिलमा दर्शकको उपस्थित रिलिज भएको पहिलो दिनबाटै निकै पातलो देखिएको छ ।

अहिले पनि देशका सबैजसो चलचित्र घरमा दशैं रिलिज चलचित्रहरु छक्का पञ्जा ५ र १२ गाउँ नै प्रदर्शन भईरहेका छन् । यस्तै अर्को चलचित्र ज्वाई सावले पनि अझै केही हलमा राम्रो व्यापार गरिरहेको छ । यी तीन मध्य दुई चलचित्र छक्का पञ्जा ५ र १२ गाउँ तेश्रो सातामा पनि हाउसफुलका प्रदर्शन भएपछि नयाँ चलचित्र सानो संसारले राम्रो शो ने पाउन सकेको छैन । दर्शक नआएको भन्दै केही हलबाट यो चलचित्र आईतबार नै उतारिएको छ । बाँकी हलमा पनि दर्शक नभएपछि शोहरु कम गर्नेक्रम जारी छ ।

यो चलचित्रमा अभिनेता केदार घिमिरेकी पत्नी सीतादेवी तिमस्लिनाको मुख्य भूमिका रहेको छ । चलचित्र सानो संसारलाई आफ्नै श्रीमान केदारको चलचित्र छक्का पञ्जा ५ सँग जुधाउँदा सीतादेवीले चलचित्र घरमा यतिबेला ब्यबसायिक असफलता भोग्नु परेको छ । चलचित्रमा सीतादेवीसँगै राज पंगेनी शर्मा, अनु दाहाल, अन्जसा रिजाल, शिशिर सिवाकोटीलगायतको मुख्य भूमिकामा छन् । यो चलचित्रलाई सिद्धार्थ पुडासैनी निर्देशक गरेका हुन् । यस अघि सानो संसार वेभ रिलिजको रुपमा प्रदर्शन हुँदै आएको थियो । वेभ सिरिजलाई कथानक चलचित्रको रुपमा निर्माण गरेर ल्याउँदा चलचित्र घरमा भने सानो संसारले दर्शकको मन जित्न सकेको छैन ।

दिग्गज निर्माता माधव वाग्ले र अर्जुन कुमारले सानो बजेटमा राम्रो चलचित्र बनाएको बताउँदै आएका थिए । तर चलचित्रले त्यो सानो बजेट पनि उठाउन नसक्ने अबस्था आएको हल सञ्चालकहरु बताउँछन् ।

सम्बन्धित समाचार

‘पुष्पा २: द रुल’ ले रिलिज अघि नै कमायो ९०० करोड ! छक्का पञ्जाको आम्दानी बाढी पीडितलाई सहयोग ज्वाईं साबको १० दिनको व्यापार ३ करोड २५ लाख विपन्न चलचित्रकर्मीको दाहसंस्कार खर्च अब बोर्डले ब्यहोर्ने टिजरमा आयो केटी हराएको सूचना अमेजन प्राइममा नेपाली चलचित्र अनौठो तिर्सना संस्कृति मन्त्रीलाई ललितकला प्रतिष्ठानका पदाधिकारीले बुझाए प्रतिवेदन किशोरकुमारको बायोपिकमा रणबीर हटाएर आमिर सलोन बस्नेत पनि चलचित्र निर्मात, सुरु गरे रंगी हरर कमेडी फिल्म ‘फिरफिरे फिरिरी’ को ट्रेलर सार्बजनिक सारिका र भाग्यश्री भए किड क्विन नेपाल प्रतिस्पर्धामा सिंघम अगेन र भुलभुलैया ३