खोटाङ । नेपाल पत्रकार महासंघ खोटाङ शाखाले आफ्नो कार्यालय भवन निर्माणका लागि कोशी प्रदेश सरकारका भौतिक पूर्वाधार तथा स्वास्थ्यमन्त्री भूपेन्द्रकुमार राईलाई ज्ञापनपत्र बुझाएको छ । प्रदेश सरकारका प्रवक्तासमेत रहनुभएका मन्त्री राईलाई महासंघको नवनिर्वाचित कार्यसमितिले आइतबार दिक्तेलमा आयोजित एक कार्यक्रममा उक्त ज्ञापनपत्र हस्तान्तरण गरेको हो ।

ज्ञापनपत्र बुझ्नुहुदै मन्त्री राईले चालु आर्थिक वर्षदेखि नै बहुवर्षीय योजना अन्तर्गत भवन निर्माणका लागि बजेट व्यवस्था गर्ने प्रतिबद्धता जनाउनुभएको छ । कोशी प्रदेशका १४ जिल्लामध्ये खोटाङमा मात्र पत्रकार महासंघको आफ्नै भवन नभएको अवस्थामा भवन निर्माणका लागि पहल गरिएको महासंघका नवनिर्वाचित अध्यक्ष हरिवोल आचार्यले बताए ।

महासंघको भवन निर्माणका लागि दिक्तेलस्थित रत्नपार्क नजिकै आठ आना जग्गा कृषिविज्ञ मदन राईले २०६३ सालमा निःशुल्क उपलब्ध गराएका छन् । चालु आर्थिक वर्षमा प्रदेश सरकारले २० लाख रुपैयाँ विनियोजन गरेको भए पनि सो रकमले भवन निर्माण सम्पन्न हुन नसक्ने भएकाले थप बजेटको माग गरिएको हो । २०६१ सालमा स्थापना भएको महासङ्घको खोटाङ शाखा हाल भाडाको घरमा सञ्चालन भइरहेको छ ।

पहिले निर्माण गरिएको ढुङ्गा–माटोको कच्ची भवन उपयोगविहीन भएपछि भत्काइएको र अब पक्की भवन निर्माणका लागि विस्तृत परियोजना प्रतिवेदन (डिपिआर) तयार गरी घडेरी सम्याउने काम सम्पन्न भइसकेको निवर्तमान अध्यक्ष दिलीप खत्रीले जानकारी दिए ।

सम्बन्धित समाचार

भोजपुरमा शैक्षिक अनुसन्धान केन्द्र शिक्षक भवन शिलान्यास चैनपुरे करुवा नक्कली सुन देखाई नगद तथा गरगहना ठगी गर्ने गिरोह प्रहरीको फन्दामा सरकारी नम्बर प्लेटको स्कार्पिओबाट गाँजा तस्करी संखुवासभामा एम्बुलेन्स चालकमाथि कुटपिट फाल्गुन्दन्द गोल्डकप पुस ६ गतेदेखि आदर्श कप सुरु खोटाङ रावाबेँसीका वपन्न ज्येष्ठ नागरिकलाई सिरक मोरङमा २ हप्तामै ५ महिला र २ पुरुष बेपत्ता रेडस्टार इलाम गोल्ड कपको अन्तिम चारमा सप्तरीमा अपाङ्गता भएकाहरुको शिक्षामा पहुँचका लागि प्रयास खोटाङ जिल्ला अस्पताललाई स्वास्थ्य सामाग्री