मुम्बई । दक्षिण भारतीय अभिनेता अल्लु अर्जुनलाई प्रहरीले पक्राउ गरेर एकरात हिरासतमा राखेपछि उनको नयाँ चलचित्र ‘पुष्पा २ः द रुल’ को व्यापारमा झन फाईदा पुगेको छ । उनका प्रसंसकहरुको फेरी एकपटक हलमा ओईरो लागेको छ ।

सोही कारण यो चलचित्रले दोश्रो सातामा पनि बक्स अफिसमा राम्रो कमाई गरिरहेको छ । चलचित्रले सोमबारसम्म घरेलु बक्स अफिसमा ९०० करोडको आँकडा पार गरिसकेको छ । यो संगै पुष्पा २ ले कमाईको हिसावले अहिलेसम्म केजीएफ च्याप्टर २ सहित भारतीय चलचित्रले स्वदेशी बक्स अफिसमा बनाएको सबै व्यबसायिक रेकर्ड तोडेको छ ।

कन्नड चलचित्रका सुपरस्टार एसको ब्लकबस्टर चलचित्र केजीएफ च्याप्टर२ ले भारतमा कुल ८५९.७ करोडको कीर्तिमानी व्यापार गरेको थियो । रिलिज भएको १२ दिनमा ९२९.२५ करोडको व्यापार गर्दै अल्लु अर्जुनको पुष्पा २ ले केजीएफ च्याप्टर २ को व्यापारलाई पछि पारेको हो ।

पुष्पा २ ले १२ औं दिनमा २७.७५ करोडको व्यापार भारतमा गरेको छ । योसँगै पुष्पा २ को हालसम्मको भारतमा १२ दिनमा ग्रस व्यापार ९२९.२५ करोड पुगेको छ । पुष्पा २ ले १२ दिनमा तेलुगुमा २८७.०५ करोड, हिन्दीमा ५७३.१ करोड, तमिलमा ४९.४ करोड, कन्नडमा ६.७ करोड र मलयालममा १३.६ करोड कमाएको छ । यो संगै हिन्दी भाषामा सबैभन्दा बढी कमाई गर्ने चलचित्र स्त्री २ पछि पुष्पा २ दोश्रो स्थानमा रहेको छ । पुष्पा २ मा अल्लु अर्जुन, रश्मिका मन्डन्ना र फहद फाजिलको महत्वपूर्ण भूमिका रहेको छ । चलचित्रले दर्शकको सुरुको दिनबाटै उस्तै माया पाइरहेको छ ।

सम्बन्धित समाचार

कार्साङको टिजरमा विपन्नताको पीडा प्रताप दासको मस्त जवानीमा उषा र बिजुको अभिनय पलेँटी गजल मुशायरामा सन्तोष र लालकाजी सुनिए पूर्णबहादुरको सारंगीका निर्माताबीच आर्थिक विवाद सोल्टिनीमा पनि जातीय विभेद बिरुद्ध प्रकाश सपुत जय करबाकेली बाबामा पुन मगरको संस्कृति एकै थलोमा चलचित्र सिक्दै ५४ जना नृत्यकर्मीका लागि ‘नृत्य तथा नाट्य अध्ययन’ फिरफिरे फिरिरीको नयाँ रिलिज मिति मिस नेवाको अडिसनमा प्रतियोगीले बनाए योमरी प्रदीप, आँचल, साम्राज्ञीदेखि शिल्पासम्म फेशन शोमा नाटक हरि हजुरबा लिएर आए नाजिर हुसेन