सिन्धुली । नेकपा एमालेका स्थायी कमिटी सदस्य एवम् प्रचार विभाग प्रमुख राजेन्द्र गौतमले सरकारले अपेक्षित परिणाम दिन नसक्नु देशमा विद्यमान आर्थिक संकट भएको बताए ।

प्रेस चौतारी नेपालको आयोजनामा विहिबार सिन्धुलीमाढीमा भएको पत्रकार सम्मेलनमा बोल्दै उनले नेपालको बजेट राजस्व केन्द्रीत रहेको र चार पाँच महिनामा अपेक्षित राजस्व संकलन नभए पनि राजस्व संकलनमा सुधार आएको उनले बताएका छन । अझै पनि जनताले अपेक्षा गरेको विकास गर्न समस्या रहेको गौतमले बताए । अर्थतन्त्रमा सुधार गर्न कोशिस भए पनि मुलुकको अर्थतन्त्र अझै संकटकै अवस्थामा रहेको आर्थिक तथ्यांकले देखाएको उनले बताए ।

एमाले र कांग्रेस मिलेर २०८४ सम्म सरकारलाई स्थायीत्व दिएको बताउँदै केपी ओलीको नेतृत्वमा देशको अर्थतन्त्र पनि लयमा फर्किन सुरु गरेको बताए । ‘समयमा अर्थतन्त्रलाई लयमा फर्काउन नसकेमा ठूलो विपद हुनसक्छ भन्ने थियो त्यसैले देशका दुई ठूला राजनीतिक दलहरु एकजुट भयौं । सरकार बने लगत्तै अर्थतन्त्रमा सुधार भएको छ’, उनले भने ।

पत्रकार सम्मेलनमा बोल्दै गौतमले राष्ट्रिय सहमतिका आधारमा संविधान संशोधन हुने बताएका छन । संविधान संशोधनको विषय एमाले वा कांग्रेसको मात्र विषय नभएर सबैको साझा विषय भएकाले साझा सहमतिका आधारमा संविधान संशोधन गरिने उनको भनाई छ ।

नेकपा एमाले सिन्धुलीको दुधौलीमा विहिबार र शुक्रबार हुने बैठकलाई सम्बोधन गर्न सिन्धुली आएका गौतमले अहिलेको निर्वाचन प्रणालीले कुनै पनि स्पष्ट बहुमत ल्याउन नसक्ने बताउँदै यो निर्वाचन प्रणालीले दिने परिणामले स्थायी सरकार बन्न नसक्ने दावी गरे । संविधान संशोधनमा भएको ढिलाईप्रति जनताको चासो रहेको तर राष्ट्रिय सभामा रहेको अंक गणितले तत्काल संविधान संशोधन गर्न नसकिने अवस्था रहेकाले उपयुक्त समय कुर्नु परेको बताए । सहमति जुट्न नसके राष्ट्रिय सभामा बहुमत पुगेपछि संविधान संशोधन प्रक्रिया अगाडि बढ्ने उनको दावी छ ।

अहिले सडकमा सुशासन, डेलिभरी, रोजगारी र अवसरको न्यायोचित वितरण हुनुप¥यो भन्ने माग गुञ्जिरहेको बताउँदै गौतमले यसतर्फ नेकपा एमालेको गम्भिर ध्यान गएको र बहस भईरहेको जानकारी दिए ।

उनले रवी लामिछानेको मुद्दामा नागरिक र केहि मिडियाको अन्याय र न्यायको बहसले मुलुकमा अस्थिरता र अराजकता निम्ल्याउने हुँदा अनुसन्धानमा रहेका मुद्दालाई अनुसन्धान गर्न दिन समेत नागरिकलाई आग्रह गरेका छन । अनुसन्धान र अदालतलाई प्रभाव पार्ने गतिविधिमा नलाग्न समेत उनले सबैलाई अनुरोध गरेका छन् ।

सम्बन्धित समाचार

आफ्नो आयु आफैं पटकपटक किन तोक्छन् प्रधानमन्त्री ओली ? संसद्को महत्वलाई बढाउन नयाँ ढंगले कानुनी व्यवस्था गर्नुपर्छ : सभामुख एमाले दान जग्गा बिबाद आज फेरी चढयो पेशीमा प्रमुख सुचना आयुक्त र आयुक्तहरूले लिए सपथ माओवादी केन्द्रको स्थायी समिति बैठक बस्दैँ नेपाल पत्रकार महासङ्घ एसोसिएट प्रदेश अध्यक्षमा आचार्य विजयी माओवादी–एकीकृत समाजवादीलाई तत्काल एकता नगर्न सुझाव नेपाल पत्रकार महासंघमा पहिलो पटक महिला नेतृत्व एमालेलाई मीनबहादुरले दिएको जग्गासम्बन्धी विवाद सर्वोच्चबाट खारेज एमाले हेटौडा उपमहानगरपालिका अध्यक्षमा बोलबहादुर कार्की निर्वाचित विज्ञापन बोर्ड र त्रिभुवन विश्वविद्यालयबीच सहमति स्टक ब्रोकर एसोसीएसनको अध्यक्षमा ढकाल