कपिलवस्तु । मच्छिन्द्र क्लबले दोस्रो मुख्यमन्त्री कपिलवस्तु (तिलौराकोट) गोल्ड कप फुटबल प्रतियोगिताको सेमिफाइनलमा स्थान पक्का गरेको छ। बिहीबारको रोमाञ्चक खेलमा मछिन्द्रले हिमालयन सेर्पालाई ३–० को फरकमा टाई ब्रेकरमा हराउँदै अन्तिम चारमा स्थान बनाएको हो ।

खेलको निर्धारित समयमा दुवै टोलीले गोल गर्न सकेनन्, जसका कारण खेल टाई ब्रेकरमा पुगेको थियो। टाई ब्रेकरमा मछिन्द्रका असीम गुरुङ, पूजन श्रेष्ठ र कप्तान सौरभ सुब्बाले गोल गर्दै टिमलाई सेमिफाइनलमा पु-याए। गोलरक्षक सन्तोष महतले हिमालयन सेर्पाका तीनै पेनाल्टीको बचाउ गर्दै मछिन्द्रको जीत सुनिश्चित गरे। मछिन्द्रको जितमा नायक बनेका सन्तोष नै ‘म्यान अफ द म्याच’ घोषित भए ।

उनले नगद १० हजार रुपैयाँसहित ट्रफी प्राप्त गरे । अब मच्छिन्द्र क्लब फाइनलमा पुग्नका लागि नेपाल पुलिस क्लब र डिजोन्जी एफसी (सिक्किम) बिचको विजेतासँग प्रतिस्पर्धा गर्नेछ।

प्रतियोगिता अन्तर्गत शुक्रवार थ्री स्टार क्लब र अघिल्लो संस्करणको विजेता हनामी विएफसी चितवनबिच प्रतिस्पर्धा हुनेछ । प्रतियोगिताको उपाधि जित्ने टोलीले ११ लाख ११ हजार १११ र दोस्रो हुनेले ५ लाख ५५ हजार ५५५ रुपैयाँसहित शिल्ड, मेडल र प्रमाणपत्र प्राप्त गर्ने छन्।

सम्बन्धित समाचार

खेलाडी छनोटको आधार बन्दै राष्ट्रपति रनिङ सिल्ड आहाराराको आज उपाधि भिड्न्त म्याराथनमा केन्याली धावकको वर्चश्व इटहरी गोल्डकप: बुढासुब्बा गोल्डकपको विजेता न्यूरोड टिम बाहिरियो सिन्धुली जिल्लास्तरीय प्रथम खेलकुद महोत्सव सुरु प्रिमियर लिग: वेस्टह्यामसँग आर्सनल स्तब्ध च्याम्पियन्स ट्रफी: बहुप्रतिक्षित भारत-पाकिस्तान भिड्न्त आज बराबरीमा रोकिए नेपाल र म्यान्मार जिल्लास्तरीय आर्चरी उपाधि ज्यवस्यारी क्लबलाई दोस्रो मुख्यमन्त्री कपिलवस्तु (तिलौराकोट) गोल्डकप फागुन १४ गतेबाट इलाममा फागुन १७ देखि महिला गोल्ड कप कपिलवस्तु तिलौराकोट गोल्डकप: सङ्कटा फुटबल क्लबको विजयी सुरुवात