मुम्बई । भारतीय चलचित्र ‘छावा’ले स्वदेशी तथा विदेशी बक्स अफिस राम्रो व्यापार गरिरहेको छ । चलचित्रले रिलिज भएको १३ औँ दिनमा करिब ४०० करोडको आँकडा स्वदेशी बजारमा बनाएको छ । यो चलचित्रले रिलिज भएको १४ औँ दिनमा ४०० करोडको आँकडा बनाउँदै छ ।

छत्र पति संभाजी महाराजको जीवनमा आधारित यो ऐतिहासिक एक्सन ड्रामा चलचित्र गत प्रणय दिवसको अवसर पारेर १४ फेब्रुअरीमा रिलिज भएको थियो । लक्ष्मण उतेकर निर्देशित यो चलचित्रले रिलिज भएको १३ औँ दिनमा भारतीय बक्स अफिसमा २१.७५ करोडको रुपैयाँको व्यापार गरेको छ । बुधवारसम्म यो चलचित्रको कुल व्यापार भारतमा ३८५ करोड रहेको रुपैयाँ भएको छ ।

महाशिवरात्रिमा यो चलचित्रको व्यापारमा बुधवार राम्रोसँग वृद्धि भयो । १२ औँ दिनमा चलचित्रले १८.५ करोडको व्यापार गरेको थियो । १३ औँ दिनमा चलचित्रको व्यापार बढेर २१.७५ करोड पुगेको हो । यो चलचित्रले पहिलो दिन ३१ करोड रुपैयाँको व्यापार गरेको थियो ।

यो चलचित्रको भारत बाहिर पनि त्यत्तिकै राम्रो व्यापार भइरहेको छ । चलचित्रले भारतबाहिर विश्वव्यापी रूपमा बुधवारसम्म २५० करोडको व्यवसायिक आँकडा पार गरिसकेको छ । चलचित्र छावा सन २०२५ को सबैभन्दा धेरै कमाउने भारतीय चलचित्र बन्न सफल भएको छ ।

शिवाजी सावन्तको छावा नामको मराठी उपन्यासमा चलचित्र छावा आधारित छ । लक्ष्मण उतेकरद्वारा निर्देशित, चलचित्र छावामा मराठका शासक छत्र पति संभाजी महाराजको जीवनीमा आधारित छ । यो चलचित्रमा विक्की कौशलले मुख्य भूमिका निर्वाह गरेका छन् । चलचित्रमा अक्षय खन्ना मुगल सम्राट् औरंगजेबको भूमिकामा छन् । यो चलचित्रमा रश्मिका मन्डाना, दिव्या दत्ता, डायना पेन्टीलगायतको मुख्य भूमिका छ ।

प्रधानमन्त्री नरेन्द्र मोदीले पनि चलचित्र छावा हेर्नको लागि दर्शकलाई अपिल गरेका छन् । उनले दिल्लीको विज्ञान भवनमा ९८ औँ अखिल भारतीय मराठी साहित्य सम्मेलनमा आफ्नो सम्बोधनमा चलचित्र छावाको खुलेर प्रशंसा गरे । कार्यक्रममा मोदीले भने,‘महाराष्ट्र र मुम्बईले मराठी चलचित्रसँगै हिन्दी चलचित्रलाई पनि यो प्रोत्साहन गरेको देखियो । यस्ता ऐतिहासिक चलचित्रले भारतीय सम्राटहरुलाई श्रव्य दृश्य मार्फत अझ जीवित राख्ने हुँदा अरू राजा महाराजाको जीवनी पनि पर्दामा ल्याउनु पर्छ ।

सम्बन्धित समाचार

अन्धपथमा जोडिए राजेश हमाल रंगी र दुखी आत्मा एकसाथ चलचित्र घरमा फेरि रेशम फिलिलीको ट्रेलरमा युवाको विदेश सपना आफैँ खरिद गरेर पुस्तकको लोकार्पण विवाह बन्धनमा बाधिइन् अभिनेत्री नरगिस सुरु भयो १३ औँ नेपाल अफ्रिका अन्तर्राष्ट्रिय चलचित्र महोत्सव १० मिनेटको दृश्य काटेपछि ताण्डवम्लाई प्रदर्शन अनुमति गीतकार अमरका ५ भिडियो एकसाथ सार्वजनिक दार्जिलिङका कलाकार लिएर पलेटी फेरी महाशिवरात्रिमा एकसाथ तीन नेपाली चलचित्र शिवरात्रीबाट ४ चलचित्रको छायांकन सुरु, २ को निर्माण घोषणा जीवनको तेस्रो घुम्तीमा मनीषा