पोखरा । बिहीबारदेखि पर्यटकीय राजधानी पोखरामा ‘नेपाल लिटरेचर फेस्टिभल २०२५’ सुरु भएको छ । यो फेस्टिभलको बुकवर्म फाउन्डेसनको आयोजना गरेको हो ।

नेपाल सरकारका प्रवक्ता सूचना तथा सञ्चार मन्त्री पृथ्वी सुब्बा गुरुङले बिहीबार फेस्टिभलको उद्धघाटन गरे । यो फेस्टिभलको उद्घघाटन समारोह अघि प्राध्यापक तथा अर्थशास्त्री महेन्द्र पी लामाले विद्वत्व प्रवचन दिएका थिए । उनी इन्दिरा गान्धी ओपन युनिभर्सिटीको प्रो–उपकुलपति र भारतको सिक्किम विश्वविद्यालयका संस्थापक उपकुलपति हुन् । उनले नेपालको अर्थतन्त्रको ’boutमा आफ्नो प्रवचन दिए ।

फेस्टिभलको उद्घघाटन समारोहमा मन्त्री गुरुङले परिवर्तनका लागि साहित्य एकदमै सशक्त माध्यम भएको बताए । यो कार्यक्रम सृजनात्मक समेत भएको पनि गुरुङले कार्यक्रममा बताए । ‘यो इनोभेटिज, क्रियटिसन हो र कार्यक्रम धेरै प्रकारका छन् । पोखरा नेपालमा भइराखेको कार्यक्रममध्ये यो एउटा नौलो कार्यक्रम हो,’ उनले भने ।

पर्यटन प्रवद्र्धन र विकासका लागि यो फेस्टिभलले महत्वपूर्ण भूमिका खेल्ने नेपाल पर्यटन बोर्ड गण्डकी प्रदेश प्रमुख मणिराज लामिछानेले बताए । त्यस पछि भूमि लक्ष्मी पराजुलीद्वारा लिखित ‘मर्मेड ह्वेल प्रिन्सेस’ नामको चित्र कथा पुस्तक विमोचन गरियो ।

बिहीबार दिउँसो महोत्सवमा कान्ति शेरचन र कविता शेरचनसँग वसन्त थापाले संवाद गरे । सोही क्रममा महोत्सवमा अलि मियाँ कक्षमा दिउँसो २ बजेदेखि ३ सम्म सञ्चार मन्त्री पृथ्वी सुब्बा गुरुङसँग विजय तिमल्सिनाले सञ्चार क्षेत्रमाथि केन्द्रित संवाद गरे । मन्त्री गुरुङले सञ्चार ऐनदेखि साईवर सेक्युरिटीसम्मको योजना सो क्रममा सुनाए ।

यो महोत्सवमा बिहीबार दिउँसो भूपी शेरचन कक्षमा अध्यात्म र संघर्षमाथि ‘अलि अलि हार हो, अलि अलि जित जित !’ शीर्षकमा अभिनेत्री मनीषा कोइरालाले लेखक एवम् पत्रकार विजय कुमारसँग संवाद गरिन् । उनले क्यान्सरमाथि आफूले गरेको विजयको कथा सुनाइन् । बलिउडमा संघर्षदेखि सफलतासम्मको कथा पनि उनले सो क्रममा सुनाइन् ।

भूपी कक्षमा दिउँसो ३ बजेदेखि ४ बजेसम्म मुख्यमन्त्री सुरेन्द्रराज पाण्डेसँग भरत कोइरालाले प्रदेश सरकारका गतिविधि, अवसर र चुनौतीलगायत विषयमा संवाद गरे। बार्ताको क्रममा पाण्डेले प्रदेशको फाइदाको बढी चर्चा गरे ।

सोही क्रममा महोत्सवमा अलि मियाँ कक्षमा ‘रैथाने ज्ञानको विज्ञान’ सत्रमा सीता मादेम्बाले सुभाष नेपाली, गीता चौधरी र सुरेश ढकालसँग संवाद गरिन् । उनीहरूले रैथाने उत्पादनदेखि संस्कृतिसम्मलाई जोगाउने ’bout आफ्ना भनाई राखे ।

महोत्सवमा नेकपा (एमाले) नेता एवं गण्डकीका निवर्तमान मुख्यमन्त्री खगराज अधिकारीले भूपी कक्षमा दिउँसो ४ बजेदेखि ५ बजेसम्म एकल संवाद अन्तर्गत राजनीतिका सुख–दुःखका कुरा सुनाए । नेपाल पत्रकार महासंघकी अध्यक्ष निर्मला शर्मासँग अधिकारीले बार्ता गरेका हुन् ।

अलि मियाँ कक्षमा सोही समयमा केशव शरण लामिछानेले प्रेम र साहित्यमाथि केन्द्रित रहेर भावेश भुमरी र प्रणिता चाम्लिङसँग संवाद गरे ।

भूपी कक्षमा साँझ ५ बजेदेखि ६ बजेसम्म ओमविक्रम विष्टको सांगीतिक प्रस्तुति गरियो । उनले आफ्ना पुरानादेखि नयाँ गीतहरु सुनाए ।

सोही समयमा उता अलि मियाँ कक्षमा गौरी तमुले प्रदेश सरकारका सामाजिक विकास, युवा तथा खेलकुद मन्त्री विन्दुकुमार थापासहित विष्णु सिञ्जाली र जुनाकुमारी गुरूङले गण्डकीका गुरुङ र मगर भाषाको विषयमा आफ्ना बिचार पोखे ।

सम्बन्धित समाचार

अन्धपथमा जोडिए राजेश हमाल रंगी र दुखी आत्मा एकसाथ चलचित्र घरमा आफैँ खरिद गरेर पुस्तकको लोकार्पण डा. विलोलले ल्याए विलोल शब्द वल्लरी विवाह बन्धनमा बाधिइन् अभिनेत्री नरगिस सुरु भयो १३ औँ नेपाल अफ्रिका अन्तर्राष्ट्रिय चलचित्र महोत्सव १० मिनेटको दृश्य काटेपछि ताण्डवम्लाई प्रदर्शन अनुमति दार्जिलिङका कलाकार लिएर पलेटी फेरी ३० जनाले सिके चलचित्र इफेक्ट मेकअप महाशिवरात्रिमा एकसाथ तीन नेपाली चलचित्र मिस ग्लोबलमा नेपालको प्रतिनिधित्व गर्दै विधि शिवरात्रीबाट ४ चलचित्रको छायांकन सुरु, २ को निर्माण घोषणा