मुम्बई । एक सन्तानको आमा भएपछि २०२३ मा चलचित्रमा अभिनय गरेकी बलिउड अभिनेत्री सोनम कपूरलाई यति बेला चलचित्रमा फर्कनको लागि प्रस्ताव आइरहेको थियो । तर यस्ता प्रस्तावलाई उनले पछिल्लो समय अस्वीकार गर्दै आएकी थिइन् । यसै क्रममा उनलले बिहीबार आफ्नो दोस्रो गर्भावस्थाको ’bout जानकारी गराएकी छिन् । त्यसैले अझै आफू केही वर्ष चलचित्रमा नआउने पनि उनले बताएकी छिन् ।

अभिनेत्री सोनमले इन्स्टाग्राममा आफ्नो बेबी बम्प देखाउँदै आश्चर्यजनक तस्बिरहरू बिहीबार सेयर गरेकी हुन् । उनले आफ्ना ती तस्बिरहरूको क्याप्शनमा ‘आमा’ लेख्दै आफू पुन दोस्रो पटक आमा बन्न लागेको संकेत इमोज मार्फत गरेकी छिन् ।

सोनम कपूरले सेयर गरेका तस्बिरहरूमा, उनी गुलाबी औपचारिक पोसाक लगाएको देखिएकी छिन् । तस्बिरहरूमा उनको बेबी बम्प देखिन्छ । धेरै सेलिब्रेटीहरूले सोनमको पोस्टमा आफ्नो तर्फबाट शुभकामना दिँदै लाइक र कमेन्ट पनि गरेका छन् ।

हालै आमा बनेकी अर्की अभिनेत्री परिणीति चोपडाले सोनम कपूरको पोस्टमा ‘बधाई’ लेखेकी छिन् । यस्तै अभिनेत्री प्रियंका चोपडाले पनि ‘शुभकामना’ लेखेकी छिन् । यस्तै अर्की अभिनेत्री करीना कपूरले ‘सोना र आनन्द’ लेखेकी छिन् । सोनम कपूरका पति आनन्द आहुजाले सोनमको यो पोस्टमा ‘डबल ट्रबल’ लेखेर खुसी साटेका छन् ।

लामो समय प्रेम सम्बन्धमा रहेपछि सोनम कपूर र आनन्द आहुजाले मे २०१८ मा विवाह गरेका थिए । उनीहरू अगस्ट २०२२ पहिलो सन्तानको अभिभावक बनेका थिए । सोनम कपूरले आफू दोस्रो पटक गर्भवती भएको जनाएकी छिन् ।

सम्बन्धित समाचार

दूधपोखरीको तामाङ वस्तीमा घन्कियो लोपोन्मुख ठाडोभाका १०० करोड क्लबमा आयुष्मानका पाँच चलचित्र लागू औषध प्रकरणमा मुछिए अभिनेत्री श्रद्धा र नोरा छायांकनमा आठ घण्टा मात्र काम गर्ने दीपिकाको अडान निर्देशक विक्रम भट्टविरुद्ध ३० लाख ठगीको मुद्दा छोरीको कथामा बन्यो ‘पीआर’, अष्ट्रेलियाबाट रिलिज सहायक निर्देशकबाट अभिनयमा उत्रेका यी स्टार अभिनेता अग्रज निर्माता दिलीप पौडेलको निधन