काठमाडौँ । प्रधान न्यायाधीश तथा अन्य न्यायाधीशका सम्बन्धमा सार्वजनिक भएका समाचारप्रति गम्भीर ध्यानाकर्षण भएको जनाउँदै सर्वोच्च अदालतको पूर्ण बैठकले ती विषयमा निष्पक्ष छानबिन गरी यथाशीघ्र सत्यतथ्य सार्वजनिक गर्न सम्बन्धित निकायलाई आग्रह गरेको छ ।

सोमबार बसेको सर्वोच्च अदालतका सबै न्यायाधीश सम्मिलित पूर्ण बैठक (फुलकोर्ट)ले सार्वजनिक भएका विषयमा पूर्वाग्रहरहित, स्वतन्त्र र निष्पक्ष ढंगबाट संविधान तथा कानुनबमोजिम छानबिन गर्नुपर्नेमा जोड दिएको हो ।

बैठकपछि सर्वोच्च अदालतका प्रवक्ता डा. अशोककुमार क्षेत्रीले जारी गरेको विज्ञप्तिमा संविधानको सर्वोच्चता र कानुनको शासनप्रति न्यायपालिकाको प्रतिबद्धता दोहोर्‍याइएको छ ।

‘संविधान र कानुनको सर्वोच्चता हाम्रो अटल आस्था र प्रतिबद्धता हो । यसमा हामी अडिग र स्पष्ट छौँ,’ विज्ञप्तिमा भनिएको छ, ‘संविधानको सर्वोच्चता र कानुनको शासनप्रति गम्भीर हुन सबैमा आग्रह गर्दछौँ ।’

सर्वोच्चले सञ्चारमाध्यममा प्रकाशित तथा प्रसारित समाचारका सम्बन्धमा हुने कानुनी छानबिन र अनुसन्धानमा आवश्यक सहयोग गर्ने प्रतिबद्धतासमेत जनाएको छ । अनुसन्धानका क्रममा कानुनबमोजिम निर्वाह गर्नुपर्ने जवाफदेहिता पूरा गर्न न्यायपालिका प्रतिबद्ध रहेको विज्ञप्तिमा उल्लेख छ ।

न्यायपालिका नागरिकको आस्था र विश्वासमा आधारित संस्था भएको उल्लेख गर्दै पूर्ण बैठकले न्यायपालिकासँग सम्बन्धित समाचार प्रकाशन तथा प्रसारण गर्दा जिम्मेवार हुन सञ्चारमाध्यमलाई आग्रह गरेको छ ।

छानबिनको निष्कर्ष नआउँदै कसैलाई लाञ्छित गर्ने, सेवाग्राहीमा भ्रम सिर्जना गर्ने वा न्याय सम्पादनको काममा अवरोध पुग्ने गरी समाचार प्रकाशन तथा प्रसारण नगर्न बैठकले ध्यानाकर्षण गराएको हो ।

पूर्ण बैठकले सार्वजनिक भएका समाचारबाट प्रभावित नभई नियमित न्यायिक कार्यमा सक्रिय रहन देशभरका अदालतमा कार्यरत न्यायाधीश तथा न्यायकर्मीहरूलाई समेत आग्रह गरेको छ ।

प्रधान न्यायाधीश र केही न्यायाधीशका सम्बन्धमा सञ्चारमाध्यममा विभिन्न विवरण सार्वजनिक भएपछि न्यायपालिकाको निष्पक्षता र विश्वसनीयता’bout प्रश्न उठेका छन् । यसअघि पनि सर्वोच्च अदालतको पूर्ण बैठकमा ती विषयमा छलफल भएको थियो ।

सम्बन्धित समाचार

चुनावअघि मात्र टिकट लिने र खोज्ने प्रवृत्ति अन्त्य गर्छौ : गगन स्थानीय निर्वाचनको समय तालिकासँग मिलाएर काँग्रेसका प्रदेश र जिल्ला अधिवेशन गरिने कांग्रेसका नवनिर्वाचित पदाधिकारी र सदस्यको शपथग्रहण आज कांग्रेसको नयाँ कार्यसमितिले आजदेखि जिम्मेवारी सम्हाल्ने, शपथ ग्रहण विगतभन्दा फरक हुने प्रहरी पोसाक खरिद छानबिनमा अलमल सर्वोच्चको पूर्ण बैठकमा समसामयिक विषयमा छलफल पक्राउ पत्रकारलाई रिहा गर्न प्रधानमन्त्री शाहकाे निर्देशन गएकाे छः प्रेसबिज्ञ दाहाल डीडीसीका तत्कालीन महाप्रबन्धक झा पक्राउ