भोजपुर । भोजपुरमा खोलाले बगाउँदा सब– इन्जिनियरको मृत्यु भएको छ । टेम्केमैयुङ गाउँपालिका–९ मा पर्ने राउते खोलाले बगाउँदा सव–इन्जिनियर मन्दिप राईको मृत्यु भएको हो ।

बाढीले पुल निर्माण भईरहेको स्थानमा रहेको स्काटरभेटर र पुलको जग बगाउन थालेपछि जोगाउने क्रममा राईलाई खोलाले बगाएको प्रहरीले जनाएको छ ।

स्काभेटरका ड्राईभर भने हाम फालेर वाच्च सफल भएको प्रहरीको भनाई छ । सव– इन्जिनियर राई भने हाम फाल्ने क्रममा खोलाको भंगालेमा परेपछि बगाएको प्रत्यक्षदर्शीको भनाइ छ ।

बुधबार राती खोलाले बगाएका राईको शव आज बिहान करिब तीन किलोमिटर तल फेला परेको प्रहरीको भनाइ छ ।