काठमाडौं । साताको दोस्रो कारोबार दिन मंगलबार नेप्से परिसूचक झिनो अंकले बढेर बन्द भएको छ। 

नेपाल स्टक एक्सचेन्ज (नेप्से) परिसूचक ६.६२ अंक बढेर २६६४.१३ विन्दुमा पुगेको छ। सेन्सेटिभ इण्डेक्स १.४८ अंक, फ्लोट इण्डेक्स ०.६२ अंक र सेन्सेटिभ फ्लोट इण्डेक्स ०.५५ अंक बढेको छ।

१३ मध्ये नौ उपसमूहको परिसूचक बढेको छ । होटल तथा पर्यटन उपसमूहको परिसूचक १.०७ प्रतिशत बढेको छ। बैंकिङ, विकास बैंक, जलविद्युत, जीवन बीमा, लघुवित्त, म्युचुअल फण्ड, निर्जीवन बीमा र व्यापार उपसमूहको परिसूचक सामान्य अंक बढेको छ।

नेप्से बढे पनि आज कारोबार रकम भने घटेको छ। सोमबार सात अर्ब १८ करोड रुपैयाँबराबरको सेयर खरिदबिक्री भएको थियो । आज पाँच अर्ब ६५ करोड ११ लाख ४२ हजार रुपैयाँबराबरको एक करोड ५४ लाख २० हजार कित्ता सेयर खरिदबिक्री भएको छ।

मंगलबार ग्लोबल आइएमई बैंक २३ करोड १४ लाख रुपैयाँबराबरको सेयर कारोबार भएको छ। बुटवल पावर कम्पनीको करिब साढे १९ करोड र कुमारी बैंकको १९ करोड रुपैयाँ कारोबार भएको छ।

आज शिखर पावर डेभलपमेन्टको सेयरमूल्य सर्वाधिक ५.९४ प्रतिशत बढेको छ। रिभर फल्स पावरको सेयरमूल्य करिब ६ प्रतिशत र अन्य स्टकहरुको मूल्य वृद्धिदर साढे ४ प्रतिशतभन्दा कम रहेको छ। 
 

सम्बन्धित समाचार

प्रतितोला ३ हजार रुपैयाँले बढ्यो सुनको मूल्य यस्तो छ आजका लागि विदेशी मुद्राको विनिमयदर गभर्नरको तजबिजीमा आइएमएफ सल्लाहकारमा गैरकानुनी नियुक्ति स्याङ्जामा आलुमा आत्मनिर्भर बनाउन अनुदान हिमशिखर सहकारीको १८औँ साधारणसभा सम्पन्न, सम्पत्ति एक अर्बभन्दा बढी पुग्ने अनुमान वाणिज्य बैंकको नाफा १९ अर्ब, गत वर्षभन्दा ६ अर्बले वृद्धि गभर्नरको मनोमानीमा जागिर दिने संस्थालाई राष्ट्र बैंकको १५ करोड निकासा प्रदेश अर्थमन्त्रीहरुको संघीय सरकारलाई दबाब : अनुदान कटौती रोक, अधिकार हस्तान्तरण गर