सप्तरी । आम जनता पार्टी (आजपा) ले मधेश प्रदेशको सप्तरी सदरमुकाम राजविराजबाट शनिबारदेखी “भ्रष्टाचार बिरुद्धको मधेश यात्रा” अभियान सुरु गरेको छ । स्थानीय शिवमन्दिर प्राङ्गणमा खबरदारी सभाको आयोजना गरि आजपाले सो अभियान सुरु गरेको हो ।

सो अवसरमा आजपा अध्यक्ष प्रभु साहले सरकार कुम्भकरण जस्तै सुतिरहेकाले आमजनताको समस्या ’bout जानकारी र खबरदारी गर्न विशेष अििभयान स्वरुप मधेशमा “भ्रष्टाचार बिरुद्धको मधेश यात्रा” अभियान थालिएको बताए ।

शनिबार नै संघीय राजधानी काठमााडौंमा सरकारको मनपरी कर आंतकबिरुद्ध पार्टीद्वारा प्रदर्शन भइरहेको उनले जानकारी दिए ।

“मुलुकमा भ्रष्टाचार, कुशासन, मंहगी, अनियमितता बढ्दे गइरहेको छ, उनले भने, यही बेला सोझासाझा जनतामाथी अनावश्यक र थेग्ने नै नसक्ने गरि कर माथी कर थुपार्दै सरकारले राज्यको ढुकुटी लुटिरहेको छ ।”

आजपाले भ्रष्टाचार, अनियमितता, कुशासन, मनपरी कर, मंहगी, बेरोजगारी, बैदेशिक रोजगारी ठगी, भन्सारमा मनोमानी कर लगायतको विषयमा खबरदारी गर्न सो अभियान थालेको उनको भनाई छ ।

मन्तव्यका क्रममा उनले छिमेकी राष्ट्रमा पाइने सामान भन्दा चार गुणा मंहगो सामान नेपाली जनताले किन्नु परिरहेको बताउँदै अत्याधिक करको अनुपातमा विकास चाही नगन्य भएको टिप्पणी गरे । जनतामाथी करको भार लादेर मंहगी चरम रुपमा बढेको, नेताहरु मोटाउँदै गएको र देश कंगाल अवस्थामा पुग्न लागेको उनले बताए ।

सबैभन्दा बढी राजश्व बुझाउने मधेश प्रदेशलाई केन्द्रबाट दिइने बजेट पनि अति न्युन मात्रामा दिएर विभेद गरिएको उनको भनाई थियो । भ्रष्टाचार बिरुद्धका कार्यक्रम लिएर जनता समक्ष जाँदा पनि आफूलाई चेकजाचको बहानामा सिरहाको लहानमा प्रहरीले घण्टौं रोकेर अनावश्यक दुःख दिएको समेत उनले गुनासो पोखे ।

कार्यक्रममा आजपाका वरिष्ठ उपाध्यक्ष उपेन्द्र साह, केन्द्रिय नेता सुनिता साह, दिलिप साह, मो. इस्लाम लगायतले पनि देशको वर्तमान अवस्थामा र आजपाको अभियान ’bout बोलेका थिए ।

सप्तरीको राजविराजबाट सुरु भएको भ्रष्टाचार बिरुद्धको मधेश यात्रा विशेष गरि हुलाकी राजमार्गबाट सप्तरी, सिरहा, धनुषा, महोत्तरी, सर्लाही, रौतहट र बारा हुँदै पर्साको बिरगंजमा पुगेर समापन हुने सो अवसरमा वरिष्ठ उपाध्यक्ष साहले जानकारी दिए ।

पाँच दिनसम्म चल्ने अभियानका क्रममा विभिन्न स्थानमा भेला, बैठक, खबरदारी सभा र अन्तरक्रिया लगायतका कार्यक्रम गरिने सो पार्टीले जनाएको छ ।

सम्बन्धित समाचार

‘गढ़ीमाई मेलाको लागि तपाईंको सरकारले के गरेको छ ?’ एमाले परित्याग गरी नेताहरु आजपामा प्रवेश करको नाममा हरेक क्षेत्रमा ओली सरकारको आतंक छ: प्रभु साह दलतन्त्रले देशलाई बर्वाद गर्यो : प्रभु साह ओली निरंकुश शैलीमा आलोचकलाई धरपकड गर्दै : प्रभु साह आजपाद्वारा मधेसमा भ्रष्टाचार विरोधी जागरण अभियान सुरु भ्रष्टाचारबिरुद्ध मधेस यात्रा कार्यक्रममा सहभागीलाई प्रहरीले घण्टौं रोकेपछि प्रभु साह आक्रोशित पोखरीमा कारसहित डुबेका २ जनाको शव निकालियो छठ पर्वका व्रतालु महिलालाई साडीसँगै पुजा समाग्री उपनिर्वाचनमा कांग्रेसलाई आफ्नो विरासत जोगाउने चुनौती मानव तस्करीको आरोप लागेका निवर्तमान मन्त्री अधिकारी एमालेबाट निलम्बित रास्वपाले अनावश्यक होहल्ला गर्न आवश्यक छैन: देउवा