काठमाडौं । कोशी प्रदेशका पूर्वमन्त्री तथा एमाले सांसद लीलावल्लभ अधिकारीविरूद्ध मुद्दा नचल्ने भएको छ । सरकारी वकिल कार्यालय काठमाडौंले अधिकारीलाई मुद्दा नचल्ने निर्णय गर्दै अन्य ११ जनाविरूद्ध मुद्दा दायर गरेको छ।

उनीहरूविरूद्ध मानव बेचबिखन तथा ओसारपसार र लिखत सम्बन्धी कसुरमा सोमबार काठमाडौं जिल्ला अदालतमा मुद्दा दायर भएको जिल्ला न्यायाधीवक्ता सीताराम अर्यालले बताए।

मुद्दा दायर भएकाहरूमा जनक राई, दावा शेर्पा, कञ्चन देवकोटा, महेश पाण्डे, जुगल रिजाल, वीरबहादुर सुनुवार, गुडी राई, नवीन राई, दिवाकरबाबु भट्टराई, विष्णुप्रसाद भट्टराई र गोपाल भन्ने योगराज गौतम छन्। दिवाकरबाबु, विष्णुप्रसाद र गोपाल भने फरार छन्।

जापानमा हुने इन्टरनेसनल कन्फरेन्स अन ओपन एक्सेस टु कल्चर २०२४ को सात दिने कार्यक्रममा पूर्वआन्तरिक मामिला तथा कानुन मन्त्रीसमेत रहेका अधिकारीसहित चार जना कात्तिक ११ गते गएका थिए। उनीसँगै गएका जनक राई, दावा शेर्पा र कञ्चन देवकोटालाई जापानको अध्यागमनले डिपोर्ट गरेको थियो।

अधिकारीको हकमा भने संलग्नता पुष्टि हुन नसकेकाले मुद्दा नचलाउने निर्णय गरिएको अर्यालले बताए । अधिकारीले जापान पुगेर अध्यागमनलाई खबर गरेको देखिएको, प्रहरीका डिआइजीलाई खबर गरेको देखिएको, जापानबाट तीन जना प्रतिवादीविरूद्धको पत्र प्राप्त भएको देखिएको अर्यालले बताए ।

अधिकारी गत कात्तिक २६ गते पक्राउ परेका थिए। पक्राउ भएका बखत उनले आफ्नो संलग्नता नरहेको भन्दै अनुसन्धानलाई सहयोग गर्न हिँडेको बताएका थिए।

सम्बन्धित समाचार

देउवा चुनावपछि पहिलो पटक गृह जिल्ला डडेल्धुरामा लामिछानेलाई भैरहवा पुर्याइयो, विमानस्थल बाहिर रास्वपाका कार्यकर्ताको प्रदर्शन सरकारी वकिलको कार्यालयमा रवि लामिछानेको बयान शुरु दीपक मनाङे डिल्लीबजार कारागार चलान धनराज गुरुङसँग सिआइबीले लियो बयान सांसद् बजगाईंविरुद्ध मन्त्री पाण्डेले दिए उजुरी सत्ता पक्षदेखि विपक्षी दल सडकमा, नेतालाई सडकै प्यारो पूर्वसभामुख ढुंगानालाई सम्मानसहित अन्तिम बिदाई उपनिर्वाचन : रास्वपा र एकीकृत समाजवादीबाट न्यून स्थानमा मात्रै उम्मेदवारी प्रधानमन्त्रीको चीन भ्रमणअघि मन्त्री हेरफेर र अध्यादेश बिआरआईमा ऋण स्वीकार्न सकिँदैन : महामन्त्री शर्मा प्रधानमन्त्री ओलीको चीन भ्रमणमा के–के छन् एजेन्डा ?