राजविराज । सप्तरीको डाक्नेश्वरी नगरपालिकाको दुई वडामा वडाअध्यक्ष पदका लागी हुने निर्वाचनको अब तीन दिन मात्र बाँकि रहदा मुख्य राजनीतिक दल तथा स्वतन्त्र उम्मेदवार मत माग्दै मतदाताको खेतबारीमा समेत पुग्न थालेका छन ।

ग्रामिण क्षेत्रमा पर्ने उक्त दुबै वडाका मतदातालाई अहिले बर्खेबाली धान काट्ने र थन्क्याउने चटारो पनि छ । यही व्यस्तताका कारण अधिकाँस मतदाता आ–आफ्नो खेतबारीमा समय विताउने गरेका कारण उम्मेदवारहरु मत माग्दै खेतबारीमा समेत पुग्न थालेका छन ।

कतिपय उम्मेदवारले त खेती थन्क्याउन सहयोग गरेर मतदाता रिझाउने प्रयास समेत गरिरहेका छन । घर दैलो गर्दा अहिले मतदाता खेतवारी तर्फ गएको जानकारी आउन थालेपछी खेतवारी मै पुगेर मत माग्न थालेको अधिकाँस उम्मेदवारहरुको भनाई छ ।

५ वर्षमा दोश्रो पटक आफ्नो प्रतिनिधी छान्ने अवसर पाएका मतदाताहरु मत माग्दै उम्मेदवारहरु खेत मै पुगेर नमस्कार गर्दा दंग छन ।

७२ घण्टे मौन अवधी सूरु हुनु अघि नै विभिन्न दलका उम्मेदवार मतदाता नजिक पुग्न जुक्ति निकालेका छन् । उक्त पालिकाको १ र ४ गरी दुई वडामा वडाअध्यक्ष पदका लागी मंसिर १६ गते उपनिर्वाचन हुने भएको छ । निर्वाचन हुने ती दुबै पदमा यस अघि नेपाली काँग्रेसका क्रमशः प्रितम लाल चौधरी र हरि प्रसाद रायले चुनाव जितेका थिए ।

उपनिर्वाचन हुने डाक्नेश्वरी नगरपालिकाको वडा नं १ मा २ हजार ६ सय ३५ र वडा नंं४ मा १ हजार २ सय ८१ मतदाता छन । मतदानका लागी ३ मतदान स्थल र ५ मतदान केन्द्र तोकिएको जिल्ला निर्वाचन कार्यालय सप्तरीले जनाएको छ ।

सम्बन्धित समाचार

अतिक्रमित सडक हटाउदै बुद्धभूमि नगरपालिका छिन्नमस्ता ४ बालविवाह मुक्त वडा घोषणा एकैपटक १२ हजार बढि छात्राले लिए आत्मरक्षा तालिम देश कंगाल, नेता मालामाल बन्दै गएको आजपा अध्यक्ष साहको भनाई दलाल दलतन्त्रबाट देशलाई बचाउन जनआन्दोलनको बिकल्प छैन्ः प्रभु साह बिटौरी र ब्लक जग्गाका पीडितहरुद्वारा निर्णायक आन्दोलनको तयारी आजपाको ‘भ्रष्टाचार बिरुद्धको मधेस यात्रा’ टोली कलैया पुग्यो पाकेको धानको बाला र बोट अलग्गै किसान पीडित सदाद्वारा ओच्छ्यानबाटै सहयोगको याचना कांग्रेस राणा र राजा फालेर इतिहास रचेको पार्टी होः कांग्रेस महामन्त्री शर्मा सप्तरीका ५ हजार घरपरिवार समस्यामा ८ बुँदे निर्णय र निरन्तरको अनुगमनले सुधारिदै सप्तरीको पठनपाठन