धनगढी । सुदूरपश्चिममा छोरीभन्दा छोरा जन्मिने दर बढेको छ । २०७८ को राष्ट्रिय जनगणनाको तथ्यांकले सुदूरपश्चिमका सबै जिल्लामा छोरा जन्मिने दर बढी देखाएको छ । यहाँ दुई तराई र सात पहाडी गरी नौ जिल्ला रहेका छन् ।

प्राकृतिक रुपमा छोराभन्दा छोरी जन्मिने दर उच्च हुन्छ । सन्तुलित जनसंख्याका लागि छोराभन्दा छोरी जन्मने दर बढी हुनुपर्छ । तर सुदूरपश्चिमका सबै जिल्लामा छोरीको अनुपातमा छोरा जन्मिने दर बढेको छ । सुदूरपश्चिममा एक सय छोरी जन्मदा १२० भन्दा बढी छोरा जन्मिएको जनगणनाको तथ्यांकले देखाएको छ । राष्ट्रिय जनगणना २०७८ को नतिजाले सुदूरपश्चिममा पाँच वर्षमुनिको लैंगिक अनुपात आसमान देखाएको छ ।

विगतका जनगणनाको तुलनामा २०७८ को जनगणनाले लैंगिक अनुपात ठिक विपरीत देखाएको छ । यहाँका ९ जिल्लामध्ये कञ्चनपुरमा लंैगिक अनुपात सबैभन्दा बढी छ । कञ्चनपुरमा एक सय छोरी मान्छे जन्मिदा १२० जना छोरा मान्छेको जन्म हुने गरेको जनगणनाको तथ्यांकले देखाएको छ । दोस्रो बढी छोरा जन्मिने कैलालीमा एक सय छोरी जन्मदा ११९ दशमलव ८७ जना छोरा जन्मिने गरेको तथ्यांक छ ।

पहाडी जिल्ला डोटीमा सबैभन्दा बढी लैंगिक अनुपातमा भिन्नता देखिएको छ । डोटीमा एक सय छोरी जन्मदा ११८ दशमलव ८० छोराको जन्म हुने गरेको छ । डडेल्धुरामा एक सय छोरी जन्मदा ११७ दशमलव ७९ छोरा जन्मेका छन् भने बैतडीमा एक सय छोरी बराबर ११४ छोरा जन्मेको तथ्यांकले देखाएको छ ।

हिमाली जिल्ला दार्चुलामा लैंगिक अनुपात ११३ छ भने बझाङका ११०, बाजुरामा १०६ तथा अछाममा लैंगिक अनुपात १०४ रहेको राष्ट्रिय जनगणना २०७८ को तथ्यांकले देखाएको छ । सुदूरपश्चिममा १० वर्षको अवधिमा लैंगिक अनुपातमा फेरबदल भएको छ । छोरीभन्दा छोराको जन्म बढी हुनुमा लिंग परीक्षण गरेर गर्भपतन गरिनु मुख्य कारण मानिएको छ ।

सम्बन्धित समाचार

यातायात कार्यालय धनगढीमा निरोगिताको प्रमाणपत्रमार्फत अवैध असुली धनगढीले उपलब्ध गराउने भयो ९८ जनालाई नि:शुल्क अपांगता सहायता सामग्री सबै धर्मको साझा स्थल गढीमाई : गृहमन्त्री लेखक सिरहा चोहर्वा खण्ड बिहानैदेखि अवरुद्ध कोशीका पूर्वमन्त्री अधिकारीले अब सर्वोच्च ‘फेस’ गर्नुपर्ने सामान्य लेखपढ भएकी महिलामाथि ११ करोड बढी रकम अपचलनको आरोप न्यायालयलाई पारदर्शी र विश्वसनीय बनाउन गोला प्रणाली उपयुक्त छ : प्रधान न्यायाधीश राउत सर्वोच्चले आज छायादेवी सेन्टर विवादको फैसला सुनाउने सडकवाट टुन्का चौधरीको उद्धार जनकपुरधाममा ‘एडिबी-नेपाल साझेदारीका पाँच दशक’ विषयक फोटो प्रदर्शनी सुरु पहिलो पाईला मन्टेश्वरी स्कुलद्वारा निशुल्क स्वास्थ्य शिविर, ३ सय जना लाभान्वित राजधानीकर्मी सिग्देल सम्मानित