खोटाङ । खोटाङको दिप्रुङ चुइचुम्मा र दिक्तेल रुपाकोट मझुवागढी नगरपालिकाबीच रहेको तावा खोला दोभानमा पक्की पुल निर्माणको तयारी थालिएको छ । दिप्रुङ चुइचुम्मा गाउँपालिका–७ टेम्मा र दिक्तेल रुपाकोट मझुवागढी नगरपालिका–५ लफ्याङलाई जोड्ने उक्त पुलको विस्तृत परियोजना प्रतिवेदन (डिपिआर) निर्माणको काम सुरु भएको हो ।

दिप्रुङ चुइचुम्मा गाउँपालिकालाई जिल्ला सदरमुकाम दिक्तेलसँग छोटो दूरीमा जोड्ने लक्ष्यका साथ यो परियोजना अघि बढाइएको छ । हाल यस स्थानमा झोलुङ्गे पुलबाट मात्र आवतजावत हुने गरेको छ । उक्त स्थान दिप्रुङ चुइचुम्मा गाउँपालिका, दिक्तेल रुपाकोट मझुवागढी नगरपालिका र साकेला गाउँपालिकाको संगमस्थलको रूपमा रहेको छ ।

बिआई इन्जिनियरिङ कन्सल्टेन्सी टोखाले मंसिर २५ गतेदेखि पुलको प्रारम्भिक सर्वेक्षण कार्य सुरु गरेको छ । कन्सल्टेन्सीले माटो परीक्षण र भौगोलिक अवस्थाको अध्ययन गरी डिपिआर तयार पार्ने जनाएको छ । कांग्रेसका युवा नेता नइन्द्र राईका अनुसार डिपिआर सम्पन्न भएपछि पुल निर्माणका लागि बजेट जुटाउन पहल गरिनेछ । पुल निर्माण भएपछि दिक्तेलबाट एक घण्टामै धिप्लुङ झरनासम्म पुग्न सकिने विश्वास गरिएको छ ।

तावा दोभानबाट निस्कने सडक दिलैंचीमा दिक्तेल–खोटाङबजार सडकसँग जोडिने छ । दिलैंचीबाट धिप्लुङ झरनातर्फ ज्यामिरे हुँदै मलबासेसम्म सडक निर्माण भइसकेको छ । नेता राई दिएको जानकारी अनुसार मलबासेबाट काहुले, टेम्माबजार, सेम्मा, गोगने बास्ताला, मैस्याङडाँडा, ध्रुवपार्क र छितापोखरीबजार हुँदै स्याल्मे सुनकोसीको बाटोबाट पञ्चमीबजारसम्म सडक निर्माण भइसकेको छ । भविष्यमा दिलैंचीबाट एक्लेबर, छितापोखरी, खोटेहाङ गाउँपालिका र जन्तेढुंगा गाउँपालिकाको माथिल्लो भेग हुँदै भोजपुरसम्म सडक विस्तार गर्न सकिने सम्भावना रहेको उनले बताए ।

सम्बन्धित समाचार

राष्ट्रपतिदेखि सभामुखसम्मलाई बाँसको कुर्सी उपहार सिक्रेटारमा ‘नागरिक साझेदारी स्वास्थ्य विमा कार्यक्रम’ सुरु विवाह गर्नुभयो ? हनिमुन मनाउन आउनु इलाम प्रस्तावित सगरमाथा विमानस्थल निर्माणका लागि बजेट सुनिश्चितता छैन : मन्त्री पाण्डे श्रवण शक्ति नभएका व्यक्तिहरूका लागि खोटाङमा दोभाषे सेवा ‘विरामी मैत्री व्यवहार देखाउनु होस्’ नक्कली सरकारी नम्बर प्लेट प्रयोग गरी गाँजा तस्करी धनगढी उपमहानगरबाट सात सयले लिए श्रम स्वीकृति सरकार आश्वासन दिएको दियै बक्यौता बढेको बढ्यै पत्रकार महासंघ खोटाङको भवन निर्माणका लागि भौतिक पूर्वाधारमन्त्रीलाई ज्ञापनपत्र मधेशमा पर्यटक प्रहरी ईकाई इटहरीमा जेसीज राष्ट्रिय महाधिवेशन पुस ६ देखि