नयाँदिल्ली । भारतको दिल्ली बिधान सभामा भारतीय जनता पार्टी (भाजपा) को सरकार बन्ने भएको छ । ७० सिट रहेको दिल्ली विधान सभामा बहुमतका लागि ३६ सीट चाहिन्छ । भाजपाले ४८ सिट जितेको छ भने आम आदमी पार्टी (आप) ले २२ जितेको भारतीय सञ्चारमाध्यम आजतकले उल्लेख गरेको छ ।

पछिल्लो समय लगातार दिल्लीमा अरबिन्द केजरीवाल नेतृत्वको आम आदमी पार्टीकाे यसपटक ४० सिट घटेको छ भने भाजपाले ४० सिट बढी जितेको छ । अन्य राजनीतिक दलले कुनै सिट जितेनन् । यो बहुमत प्राप्तसँगै २७ वर्षपछि भाजपा दिल्लीको सत्तामा फर्किएको हो ।

सन् १९९३ मा पहिलो पटक दिल्लीमा भाजपा विजयी भएको थियो । आम आदमी पार्टीले सन् २०१३, २०१५ र २०२० मा दिल्लीमा सरकार बनायो र अरविन्द केजरीवाल मुख्यमन्त्री बनेका थिए । यसअघि सन् १९९८, २००३ र २००८ मा कांग्रेसले दिल्ली विधान सभामा जितेको थियो र शीला दीक्षित मुख्यमन्त्री बनेकी थिइन् ।

गत बुधवार दिल्ली विधानसभाको निर्वाचन भएको थियो । (आप) को शासन रहेको थियो । बुधवार सम्पन्न निर्वाचनको मतगणना आज शनिवार भएको थियो ।

नयाँ दिल्लीबाट अरविन्द केजरीवाल पराजित भएका छन् । नयाँ दिल्लीबाट केजरीवाल पराजित हुँदा मनिष सिसोदिया जंगपुरा सिटबाट हारेका छन् । त्यसैगरी सौरभ भारद्वाज ग्रेटर कैलाश सिटबाट पराजित भएका छन् । राजेन्द्र नगर सिटबाट दुर्गेश पाठक पराजित भए। शकुर बस्ती सिटबाट सतेन्द्र जैन पराजित भए भने सोमनाथ भारती मालवीय नगर सीटबाट हारेका छन् । कालकाजी सिटबाट हालकी दिल्लीकी मुख्यमन्त्री आतिषी विजयी भएकी छन् । अतिशी सेप्टेम्बर २०२४ देखि दिल्लीको मुख्यमन्त्री रहेकी छिन् ।

आम आदमीको उदयलाई धेरैले आश्चर्य मानेका थिए । तीन करोडभन्दा बढी जनसङ्ख्या भएको विशाल महानगर दिल्लीमा विगत एक दशकको अधिकांश समय ‘करिस्मेटिक’ अरविन्द केजरीवाल र उनको आम आदमी पार्टी (आप) को शासन रहेको थियो ।

दिल्ली विधानसभा चुनावमा पार्टीको पराजयपछि आम आदमी पार्टीका राष्ट्रिय संयोजक केजरीवालले पहिलो प्रतिक्रिया दिएका छन् । उनले जनताको निर्णयलाई स्वीकार गर्दे भाजपालाई बधाइ दिएका छन् ।

सम्बन्धित समाचार

हमासले गर्‍यो चार बन्धक रिहा, बदलामा २०० प्यालेष्टिनी रिहाई सेनाको हेलिकप्टर र अमेरिकी एयरलाइन्सको विमान ठोक्किँदा १८ जनाको मृत्यु अबैध आप्रवासीलाई ट्रम्पले गुआन्टानामो बे अर्थात ‘नर्क’ मा राख्ने चीनद्वारा अमेरिकी नयाँ भन्सार महसुलको जवाफ दिने चेतावनी अमेरिकामा ‘अवैध आप्रवासी’ फिर्ता प्रक्रिया जारी अख्तियार आयुक्त अमात्यको घर कम्पाउन्ड भत्काउने महानगरको निर्णय ‘कानुनसम्मत’ १,३६५ नेपालीसहित अमेरिकाले निष्कासन गर्ने १४ लाख आप्रवासीको संख्या सार्वजनिक युवा संघको कार्यक्रममा स्वागत मन्तव्य दिएर ओर्लिएका वडाध्यक्षको हृदयाघातबाट मृत्यु पोखरामा कांग्रेसको अभिमुखीकरण कार्यक्रम सुरु संकेत नम्बर नलिई निकासी गरे ३ वर्षसम्म कैद चितवन अदालतले रविलाई पठायो न्यायिक हिरासत युनुस सरकारको आलोचना गर्ने बंगलादेशी अभिनेत्री पक्राउ