काठमाडौं । गायिका सुजाता केसीले आफ्नो नयाँ लोकदोहोरी गीत ‘आलु तामाले…’ दर्शकमाझ ल्याएकी छिन् । एकले अर्कालाई मनपराउने केटा र केटीबीचको कथा यो गीतमा समेटिएको छ । भिडियो गायिका केसीको आफ्नै अफिसियल युट्युब च्यानल सुजाता केसीबाट सार्वजनिक भएको छ ।
रोमान्टिक शैलीमा तयार गीतमा गायिका केसीलाई गायक अमृत खातीले स्वरमा साथ दिएका छन् । गायक अमृत खातीकै शब्द, दीप शंकर चौलागाइको संगीत रहेको गीतको एरेन्ज बिनोद बाजुरेलीले गरेका हुन् ।
यो गीतको भिडियोमा गायिका केसी र काजिस श्रेष्ठले नृत्य गरेका छन् । सुशिल शर्माको निर्माण रहेको भिडियोमा दुर्गा पौडेलको छायांकन, विकाश ज्ञवलीको सम्पादन छ । भिडियोलाई काजिस श्रेष्ठले निर्देशन गरेका हुन् । गीत श्रोता तथा दर्शकले रुचाउने विश्वास गायिका केसीले लिएकी छन् ।
तपाइको प्रतिक्रिया
(Visited 47 times, 1 visits today)