दुर्गा प्रसाईंविरुद्ध साइबर अपराधसहित तीन वटा कसुरमा अनुसन्धान गरिने ब्युरोले जनाएको छ। प्रसाईंविरुद्ध साइबर अपराध, कागजात किर्ते र मानहानीको कसुरमा अनुसन्धान गरिने र सोही बमोजिम मुद्दा चलाइने सिआइबीको तयारी छ।

प्रधानमन्त्री ओलीले कम्बोडियाको टेलिकममा ३२ अर्ब नेपाली रुपैयाँ लगानी गरेको दाबी गर्दै प्रसाईंले सोमबार एक भिडियो सार्वजनिक गरेका थिए।

सो भिडियोमा प्रयोग गरिएको सामाग्री नक्कली रहेको प्रारम्भिक अनुसन्धानमा खुलेको छ। प्रसाईसँगै फेक भिडियो बनाउने अन्यलाई पनि कानुनी कारबाहीको दायरामा ल्याइने सिआइबीले बताएको छ। 

प्रसाई यसअघि गत असोज ६ गते पनि पक्राउ गरेका थिए। विभिन्न व्यक्तिहरूलाई आरोपित गरेर आपत्तिजनक अभिव्यक्ति दिएको उजुरीको आधारमा प्रसाईं त्यतिबेला पक्राउ परेका थिए। उनी त्यति बेला ९ दिन हिरासत बसेर एक लाख धरौटीमा रिहा भएका थिए।

प्रहरीद्वारा दुर्गा प्रसाईंको घरबाट ३ ल्यापटप र ९ मोबाइल बरामद
प्रहरीले मेडिकल व्यवसायी दुर्गा प्रसाईंको घरबाट ३ वटा ल्यापटप र ९ वटा मोबाइल बरामद गरेको छ । नेपाल प्रहरीको केन्द्रीय अनुसन्धान ब्यूरो (सीआईबी) को टोलीले मंगलबार दिउँसो प्रसाईंलाई भक्तपुरस्थित उनकै घरबाट पक्राउ गरेको थियो ।

त्यसक्रममा उनको घरमा खनतलासी गरेर ३ ल्यापटप र ९ वटा मोबाइल बरामद गरिएको सीआईबीका एसपी होविन्द्र बोगटीले जानकारी दिएका छन । विद्युतीय अपराध ऐन, २०६३ विपरीतको कसुरमा अनुसन्धानका लागि पक्राउ गरिएकाले थप प्रमाण भेटिनसक्ने हुँदा घरबाट अन्य विद्युतीय सामग्री पनि बरामद गरिएको प्रहरीले जनाएको छ ।

प्रसाईंबाट बरामद ल्यापटप र मोबाइललाई जाँचका लागि डिजिटल फरेन्सिक ल्याब (डीएफएल) मा पठाउने तयारी छ । डीएफएलबाट ल्यापटप र मोबाइलमा डिलिट भएका विवरण पनि रिकभर हुन्छन् ।

सम्बन्धित समाचार

मन्त्रीबाट राजीनामा दिएका अधिकारीलाई ‘जापान काण्ड’ महँगो पर्ने संकेत मानव तस्करीको आरोप लागेका एमाले नेता अधिकारी पक्राउ पूर्वमन्त्री अधिकारी पक्राउ, मानव तस्करीको कसुरमा अनुसन्धान थालियो साइबर ठगी बढ्दो : १९ देखि ३० वर्षका युवाहरू ठगीमा दुर्गा प्रसाईं पक्राउ, प्रम ओलीविरुद्ध दुस्प्रचार गरेको आरोप अमेरिकी राष्ट्रपति चुनावमा डोनाल्ड ट्रम्प विजयी विश्व जलवायु सम्मेलनः कोप–२९ सोमबारदेखि अजरबैजानमा सुरु, के–के छन् नेपालका एजेन्डा ? दीपक मनाङे आजै कारागार चलान हुने कैलाली प्रहरीद्वारा ३६ किलो चरेस बरामद नक्कली भुटानी शरणार्थीसम्बन्धी मुद्दा सुनुवाइमा विलम्ब राष्ट्रपति रामचन्द्र पौडेल स्वदेश फिर्ता पूर्वसभामुख ढुंगानालाई सम्मानसहित अन्तिम बिदाई